The Lady ဗမာစာတန်းထိုးလေးပါ....

ကြည့်မရရင် http://www.youtube.com/watch?v=K0c3HZ3KBmo&feature=youtu.be

  :)yotubeမှာ

ဘာရိန်းလက်ရွေးစင်အသင်းအား နည်းပြချင်သည်ဟု ပြောကြားလိုက်သည့် မာရာဒိုနာ

ဘာရိန်းလက်ရွေးစင်အသင်းအား နည်းပြချင်သည်ဟု ပြောကြားလိုက်သည့် မာရာဒိုနာ

မနှစ်ကမေတွင် ယူအေအီးကလပ် အယ်လ်ဝါဆာအသင်းအား ကိုင်တွယ်ခဲ့သည့် မာရာဒိုနာက ဘာရိန်းလက်ရွေးစင်အသင်းအား နည်းပြသွားချင်ကြောင်း ထုတ်ဖော်ပြောကြားလိုက်သည်။

ဘာရိန်းဘောလုံးအဖွဲ့ချုပ်ဒုဥက္ကဋ္ဌ ရှိတ်အလီဘင် ခါလီဖာ အယ်လ် ခါလီဖာနှင့်တွေ့ဆုံခဲ့သည့် အင်တာဗျူးတွင် မာရာဒိုနာက အနာဂတ်တွင် အာရှနိုင်ငံအသင်းတစ်သင်းအား ကိုင်တွယ်သွားချင်သည့် သူ၏ဆန္ဒအား ပြောကြားခဲ့ခြင်းဖြစ်သည်။

"ခင်ဗျားရဲ့နိုင်ငံလက်ရွေးစင်အသင်းအတွက် နည်းပြရှာနေတယ်ဆိုရင် ကျွန်တော့်ရဲ့နာမည်ကို ဇကာတင်စာရင်းထဲမှာ ထည့်ထားလိုက်ပါ" ဟု မာရာဒိုနာက ပြောကြားခဲ့ခြင်းဖြစ်သည်။

သူ၏လက်ရှိအလုပ်ရှင်များအား ဘယ်တော့မှ သစ္စာမဖောက်ကြောင်း ပြောကြားမှုနှင့်အတူ အာဂျင်တီးနားကလပ် ဆန် လိုရန်ဇိုအသင်းအား နည်းပြမည်ဆိုသည့် သတင်းများအား ငြင်းဆိုလိုက်ပြီးနောက် မာရာဒိုနာက အထက်ပါအတိုင်း ထုတ်ဖော်ပြောကြားလိုက်ခြင်းဖြစ်သည်။

အသက် (၅၁)နှစ်အရွယ်ရှိ မာရာဒိုနာသည် ဘာရိန်းဘောလုံးအဆင့်အတန်းအားချီးကျူးခဲ့သော်လည်း၊ ဂေါက်သီးပြိုင်ပွဲများ၏အရည်အသွေးများအား တိုးတက်အောင်ပြုလုပ်ဖို့လိုသေးကြောင်း ထောက်ပြပြောကြားခဲ့သည်။

"ဘာရိန်းဘောလုံးဟာ ယေဘူယျအားဖြင့် ကောင်းပါတယ်၊ အယ်လ်ရစ်ဖာအသင်း (ဘာရိန်းထိပ်တန်းကလပ်တစ်ခု)ဟာ လက်ရှိမှာ ဘောလုံးကို အကောင်းဆုံးကစားပြနေပြီး၊ တိုးတက်မှုရှိနေတဲ့ အသင်းတစ်သင်းပါ၊ ဒါပေမယ့် ဂေါက်အားကစားမှာတော့ လိုအပ်မှုတွေရှိနေတာ တွေ့ရပါတယ်" ဟု မာရာဒိုနာက ပြောကြားခဲ့သည်။

မာရာဒိုနာသည် လက်ရှိတွင် အယ်လ်ဆာဝါကလပ်အား ယူအေအီးလိဂ်တွင် အဆင့်(၆)နေရာ၌ ရပ်တည်နိုင်အောင် စွမ်းဆောင်ပေးထားသည်

ပီလီ၏ ဘရာဇီးအသင်းနံပါတ်(၁၀)အင်္ကျီရှင်းတမ်း

ပီလီ၏ ဘရာဇီးအသင်းနံပါတ်(၁၀)အင်္ကျီရှင်းတမ်း

ဘရာဇီးဂန္တ၀င်ပီလီက သူသည် ဘရာဇီးလက်ရွေးစင်အသင်း၏ဒဏ္ဍာရီဆန်သည့် ကျောနံပါတ်(၁၀)အင်္ကျီအား မမျှော်လင့်ပဲ ၀တ်ဆင်ခွင့်ရရှိခဲ့ခြင်းဖြစ်ကြောင်း ရှင်းလင်းပြောကြားခဲ့သည်။

ပီလီသည် ကမ္ဘာ့ဘောလုံးသမိုင်းတွင် အအောင်မြင်ဆုံးကစားသမားတစ်ဦးအဖြစ်  မရပ်တည်နိုင်ခင်၊ (၁၉၅၈)ခုနှစ်၊ ဆွီဒင်ကမ္ဘာ့ဖလားတွင် ဘရာဇီးအသင်း၏ကျောနံပါတ်(၁၀)အင်္ကျီအား မမျှော်လင့်ပဲ ၀တ်ဆင်ခွင့်ရခဲ့ခြင်းဖြစ်ကြောင်း ထုတ်ဖော်ပြောကြားလိုက်သည်။

ပုံမှန်အားဖြင့် ကျောနံပါတ်(၁၀)အင်္ကျီအား ကွင်းလယ်ဖန်တီးရှင်များကိုသာ ပေးအပ်လေ့ရှိသော်လည်း၊ လွန်ခဲ့သည့် (၅၄)ခုနှစ်က ဆွီဒင်ကမ္ဘာ့ဖလားတွင် အသက် (၁၇)နှစ်သာရှိသေးသည့် ပီလီသည် နံပါတ်(၁၀)အင်္ကျီအား ၀တ်ဆင်ခွင့်ရခဲ့ပြီး၊ ခြေစွမ်းပြသွားခဲ့သည်။

"နံပါတ်(၁၀)အင်္ကျီကို (၁၉၅၈)ကမ္ဘာ့ဖလားမှာ ကျွန်တော့်ကို ပေးအပ်ခဲ့ပါတယ်၊ အဲဒီအချိန်တုန်းက ဘယ်သူမှ ဒီအင်္ကျီကို ၀တ်ဆင်ဖို့ မထိုက်တန်ခဲ့ပါဘူး၊ ပြီးတော့ ကျွန်တော်ကလည်း အသင်းမှာ အသက်အကြီးဆုံးမဟုတ်ပါဘူး၊ တိုက်ဆိုင်စွာပဲ အဲဒီအင်္ကျီဟာ ကျွန်တော့်အတွက် ဖြစ်လာခဲ့ပါတယ်" ဟု ပီလီက ဘရာဇီး၏နာမည်ကျော် နံပါတ်(၁၀)အင်္ကျီအား ၀တ်ဆင်ခွင့်ရခဲ့ပုံကို Sport TVသတင်းဋ္ဌာနအား ပြောကြားခဲ့သည်။

အသက်(၇၁)နှစ်ရှိ ပီလီက သူ၏ကစားသမားဘ၀တွင် နံပါတ်(၁၀)အင်္ကျီကိစ္စမျိုးကဲ့သို့ ထူးဆန်းသည့်အဖြစ်အပျက်များနှင့် ဘာကြောင့် ကြုံတွေ့ခဲ့ရသည်ကို တစ်ခါတစ်ရံစဉ်းစားမိကြောင်းလည်း ပြောကြားခဲ့သည်။

"ခင်ဗျားတို့အတွက်တော့ ရယ်ဖို့ကောင်းပါလိမ့်မယ်၊ ညအိပ်ယာမ၀င်ခင်၊ ကျွန်တော် အမြဲတမ်း ဘုရားမှာ ဆုတောင်းပါတယ်၊ ဘာကြောင့်များ ရှင်းပြဖို့ခက်တဲ့ကိစ္စတွေဟာ ပီလီအပေါ်ကိုပဲ ကျရောက်နေရသလဲဆိုတဲ့ အတွေးနဲ့ပေါ့ " ဟု ပီလီက ပြောကြားသွားခဲ့သည်။

စပိန်ရဲ့ ဂျရတ်လို့ နာမည်ကြီးနေတဲ့ လူငယ်ကစားသမားကို ပေါင်ဆယ့်ခြောက်သန်းနဲ့ မန်စီးတီးကမ်းလှမ်း

စပိန်ရဲ့ ဂျရတ်လို့ နာမည်ကြီးနေတဲ့ လူငယ်ကစားသမားကို ပေါင်ဆယ့်ခြောက်သန်းနဲ့ မန်စီးတီးကမ်းလှမ်း

ပရီးမီးယားလိဂ်တွင် ရေနံသူဌေး မန်စီးတီးပိုင်ရှင်များ၏ ပြုပြင်ပြောင်းလဲမှုများမှာ မပြီးဆုံးနိုင်သေးဘဲ ဆက်လက်လှုပ်ရှားလျှက်ရှိသည်။ ယခုလည်း စပိန်မှ လူငယ်ကစားသမား အန်ဒါဟာရဲရာကို ပေါင် 16 သန်းဖြင့် ကမ်းလှမ်းရန် ပြင်ဆင်နေကြောင်း သိရှိရသည်။ ဘီလ်ဘာအိုအသင်း၏ လူငယ်ကစားသမားဖြစ်သူ ဟာရဲရာကို စပိန်၏ စတီဗင်ဂျရတ်ဟု ချစ်စနိုး ခေါ်ဝေါ်ကြကြောင်းလည်း သိရှိရသည်။

22 နှစ်အရွယ်ရှိ ဟာရဲရာကို စပိန်ကလပ်အသင်းများစွာကလည်း စိတ်ဝင်စားနေကြပြီး မန်ချက်စတာမြို့ခံနှစ်သင်းလုံးကလည်း အပြိုင်ကမ်းလှမ်းရန် ပြင်ဆင်နေကြရာ မန်စီးတီးက စတင်ရန် ကြိုးစားနေခြင်းဖြစ်ကြောင်း သိရှိရသည်။ စပိန်ဂျရတ် ဟာရဲရာမှာ လက်ရှိအသင်းနှင့် လေးနှစ်သက်တမ်း ကျန်ရှိနေသေးသော်လည်း ကစားသမားကိုယ်တိုင်ကမူ ချန်ပီယံလိဂ်တွင် ကစားခွင့်ရရန် မျှော်လင့်လျှက်ရှိကြောင်း သိရှိရသည်။

လီဗော်နိုအသင်းအတွက် ကစားပေးနေစဉ် သေဆုံးခဲ့သည့် အီတလီဘောလုံးသမား ပီယာမာရီယို မိုရိုစီနီအတွက် ကမ္ဘာတစ်ဝှမ်းမှ ၀မ်းနည်းကြောင်းများ

လီဗော်နိုအသင်းအတွက် ကစားပေးနေစဉ် သေဆုံးခဲ့သည့် အီတလီဘောလုံးသမား ပီယာမာရီယို မိုရိုစီနီအတွက် ကမ္ဘာတစ်ဝှမ်းမှ ၀မ်းနည်းကြောင်းများ ထုတ်ဖော်ပြသ

အီတလီဘောလုံးသမား မိုရိုစီနီမှာ လီဗော်နိုအသင်းအတွက် ကစားပေးနေစဉ် ကွင်းအတွင်း လဲကျသေဆုံးခဲ့သည်။ အီတလီ ယူ-21 ကွင်းလယ်ကစားသမားဟောင်း မိုရိုစီနီမှာ စီးရီးဘီ၏ လီဗော်နိုအသင်းတွင် အူဒီးနီးစ်အသင်းမှ အငှားကစားသမားအနေဖြင့် ကစားနေခဲ့ပြီးမှ လီဗော်နိုအသင်းပိုင် ကစားသမားဖြစ်လာခဲ့သူ ဖြစ်သည်။ ကွင်းအတွင်း လဲကျခဲ့သည့် 25 နှစ်အရွယ် မိုရိုစီနီကို ဆေးစစ်ဆေးမှုများ ပြုလုပ်ပြီးနောက် ပက်စ်ကာရာ၏ ဆန်တိုစပီရီတို ဆေးရုံတွင် သေဆုံးခဲ့ကြောင်း ကြေငြာချက်ထွက်ပေါ်လာခဲ့ခြင်း ဖြစ်သည်။ သေဆုံးခဲ့သည့် အီတလီသားအတွက် ကမ္ဘာတစ်ဝှမ်းမှ နာမည်ကြီးများအပါအ၀င် အားလုံးက ၀မ်းနည်းကြောင်း လေးလေးစားစား ပြုလုပ်ပေးခဲ့ကြသည်။

အင်တာမီလန်နှင့် ဟော်လန်ကစားသမား စနိုက်ဒါက ``မိုရိုစီနီ - ငြိမ်းချမ်းမှုမှာ အနားယူနိုင်ပါစေ´´ ဟု ပြောကြားခဲ့သလို မန်စီးတီးကပ္ပတိန် ကွန်ပနီကလည်း ``အံ့သြထိတ်လန့်စရာ သတင်းကို ကျွန်တော် ကြားလိုက်ရတာပါ။ သူ့အနေနဲ့ ငြိမ်းချမ်းစွာ အနားယူနိုင်ပါစေ။ ကျွန်တော်တို့အားလုံး  သူ့မိသားစုနဲ့ ကလပ်အတွက် လိုအပ်မယ့် အားအင်တွေ အမြန်ဆုံးပြန်ရှာတွေ့ဖို့ ဆန္ဒပြုပါတယ်။ ´´ ဟု ပြောကြားခဲ့သည်။ ကွန်ပနီ၏ အသင်းဖော် အဂူရိုကလည်း ``ကျွန်တော့်အတွက် ၀မ်းနည်းစရာ နေ့တစ်နေ့ပါပဲ။ သူ့မိသားစုနဲ့အတူ ထပ်တူကြေကွဲဝမ်းနည်းရပါတယ်။´´ ဟု ပြောကြားသွားခဲ့သည်။

မိုရိုစီနီ၏ ကလပ်အသင်းကိုလည်း ထပ်တူခံစားကြေကွဲရကြောင်း အီတလီထိပ်တန်းကလပ်များစွာက သ၀ဏ်လွှာပေးပို့ခဲ့ကြသည်။ အင်တာအသင်း၏ ၀က်ဘ်ဆိုက်တွင် ``မက်ဆီမို မိုရက်တီနဲ့ မန်နေဂျာ စထရာမာစီယိုနီအပါအ၀င် အသင်းမှာရှိသူတိုင်း မိုရိုစီနီဆီ ဆက်သွယ်ခဲ့ကြပါတယ်။ ခက်ခဲတဲ့ ကာလအတွင်းမှာ အူဒီးနီးစ်၊ လီဗော်နို၊ သူ့မိသားစုနဲ့အတူ အနီးဆုံးမှာ ရှိနေပါတယ်။´´ ဟု ဖော်ပြထားခဲ့သည်။ အသင်းခေါင်းဆောင် ဇနက်တီကလည်း ``မိုရိုစီနီ ဖြစ်ပျက်တာတွေနဲ့ ပတ်သက်လို့ ကျွန်တော်တို့အားလုံး ရှော့ခ်ဖြစ်သွားရပါတယ်။ ကျွန်တော်တို့အားလုံးကို နက်နက်ရှိုင်းရှိုင်း ထိခိုက်စေခဲ့ပါတယ်။ ၀မ်းနည်းစရာဖြစ်ပျက်ခဲ့တာကြောင့် ပွဲစဉ်တွေအားလုံး ရွှေ့ဆိုင်းလိုက်တာ မှန်ကန်တဲ့ဆုံးဖြတ်ချက်ပါပဲ။ ကျွန်တော့်အသင်းဖော်တွေ အားလုံးမှာ ကျွန်တော်တို့ရဲ့ အတွေးတွေ၊ စာနာမှုတွေက သူ့မိသားစုနဲ့ ထပ်တူရှိနေပါတယ်။´´ ဟု ပြောကြားသွားခဲ့သည်။

အီတလီဘောလုံးအဖွဲ့ချုပ်ကလည်း စီးရီးအေနှင့် စီးရီးဘီရှိ ပွဲစဉ်များအားလုံးကို မိုရိုစီနီ၏ ဈာပနအခမ်းအနားကျင်းပနိုင်ရန် တစ်ပတ်ရွှေ့ဆိုင်းခဲ့ကြောင်း ကြေညာခဲ့သည်။ ထို့ပြင် အီတလီသတင်းစာများစွာကလည်း သေဆုံးခဲ့သည့် မိုရိုစီနီအတွက် ၀မ်းနည်းကြောင်း ဖော်ပြခဲ့ကြကြောင်း သိရှိရသည်။

သေဆုံးသွားခဲ့သည့် မိုရိုစီနီမှာ အီတလီ ယူ-21 အသင်းအတွက် 18 ပွဲ ကစားပေးခဲ့ပြီး အတ္တလန်တာ၏ လူငယ်အကယ်ဒမီမှ အူဒီးနီးစ်သို့ ပြောင်းရွှေ့ကစားခဲ့သူ ဖြစ်သည်။ ထို့နောက် ဘိုလော့နာသို့ အငှားဖြင့် ပြောင်းရွှေ့ခဲ့ပြီး ရက်ဂျီးနား၊ ဗီယာစင်ဇာ တို့သို့ ပြောင်းရွှေ့ခဲ့ပြီးမှ လီဗော်နိုသို့ ပြောင်းရွှေ့ရောက်ရှိလာခဲ့ခြင်း ဖြစ်သည်။

ပရော်ဖက်ရှင်နယ် ဘောလုံးသမားများ အဖွဲ့ချုပ်မှ ရွေးချယ်ချီးမြှင့်မည့် တစ်နှစ်တာ အကောင်းဆုံး ကစားသမားဆုအတွက် ဆန်ကာတင်စာရင်း ထွက်ပေါ်

ပရော်ဖက်ရှင်နယ် ဘောလုံးသမားများ အဖွဲ့ချုပ်မှ ရွေးချယ်ချီးမြှင့်မည့် တစ်နှစ်တာ အကောင်းဆုံး ကစားသမားဆုအတွက် ဆန်ကာတင်စာရင်း ထွက်ပေါ်

၂၀၁၁-၁၂ ပရီးမီးယားလိဂ် ဘောလုံးရာသီအတွက် ပရော်ဖက်ရှင်နယ် ဘောလုံးသမားများ အဖွဲ့မှ ရွေးချယ်သည့် တစ်နှစ်တာ အကောင်းဆုံး ကစားသမားဆုကို လာမည့် တနင်္ဂနွေနေ့ညမှာ ရွေးချယ်ချီးမြှင့်တော့မည်ဖြစ်ရာ ဆန်ကာတင်စာရင်းများ ထွက်ပေါ်လာပြီ ဖြစ်သည်။ ဆန်ကာတင် စာရင်းမှာ အာဆင်နယ် တိုက်စစ်မှူး ရော်ဘင် ဗန်ပါစီက ဦးဆောင်ပြီး ကစားသမား ၆ ယောက် အမည်စာရင်းများ ထွက်ပေါ်လာခဲ့သည်။

ဆန်ကာတင် ကစားသမားများအဖြစ် အာဆင်နယ်တိုက်စစ်မှူး ရော်ဘင် ဗန်ပါစီ၊ မန်ချက်စတာယူနိုက်တက် တိုက်စစ်မှူး ဝိန်းရူနီ၊ တော့တင်ဟမ် စပါး ကွင်းလယ်ကစားသမား စကော့တ် ပါကား၊ မန်ချက်စတာစီးတီးအသင်းမှ ကစားသမားများ ဖြစ်သည့် ဂိုးသမား ဂျိုးဟတ်၊ ကွင်းလယ်ကစားသမား ဒေးဗစ် ဆေးလ်ဗား၊ တိုက်စစ်မှူး ဆာဂျီယို အဂူရိုတို့ကို တစ်နှစ်တာ အကောင်းဆုံး ကစားသမားဆုအတွက် ဆကာတင် ရွေးချယ် စာရင်းသွင်းခဲ့ခြင်း ဖြစ်သည်။

တစ်နှစ်တာ အကောင်းဆုံး လူငယ် ကစားသမားဆုအတွက် ဆန်ကာတင်စာရင်းလည်း ထွက်ပေါ်လာခဲ့ပြီး စပါး တောင်ပံ ကစားသမား ဂရတ်ဘေးလ်က ရေပန်းစားလျက်ရှိသည်။ လူငယ်ကစားသမား ဆုအတွက် စပါး တောင်ပံ ကစာသမား ဂရတ်ဘေးလ်၊ နောက်ထပ် စပါးကစားသမား တစ်ဦး ဖြစ်သည့် နောက်ခံလူငယ် ကယ်လီ ဝေါ့ကာ၊ မန်စီးတီး တိုက်စစ်မှူး ဆာဂျီယို အဂူရို၊ အာဆင်နယ် လူငယ် အဲလက်စ် အောက်က်စ်လိဒ် ချန်ဘာလိန်၊ မန်ချက်စတာ ယူနိုက်တက် တိုက်စစ်မှူး ဒန်နီ ဝဲလ်ဘတ်နှင့် ချယ်ဆီး တိုက်စစ်မှူး ဒန်နီယယ် စတားရိုက်တို့ ဆန်ကာတင် ရွေးချယ်ခံခဲ့ရခြင်း ဖြစ်သည်။

လာမည့်(၂၀၁၄)ကမ္ဘာ့ဖလားတွင် ဘရာဇီးနှင့် နေမာ အောင်မြင်လိမ့်မည်ဟု မာနို မီနီဇက်စ် ပြောကြား

လာမည့်(၂၀၁၄)ကမ္ဘာ့ဖလားတွင် ဘရာဇီးနှင့် နေမာ အောင်မြင်လိမ့်မည်ဟု မာနို မီနီဇက်စ် ပြောကြား

ဘရာဇီးနည်းပြ မာနို မီနီဇက်စ်က သူ့အသင်းသည် လာမည့် (၂၀၁၄)ကမ္ဘာ့ဖလားတွင် ချန်ပီယံဖြစ်လိမ့်မည်ဖြစ်ကြောင်းနှင့် လာမည့်ကမ္ဘာ့ဖလားတွင် နေမာသည် ခြေစွမ်းပြပြီး၊ ကျော်ကြားလာမည်ဖြစ်ကြောင်း ပြောကြားလိုက်သည်။

ဘရာဇီးအသင်းသည် လာမည့် ကမ္ဘာ့ဖလားပြိုင်ပွဲအား အိမ်ရှင်အဖြစ် လက်ခံကျင်းပရမည်ဖြစ်ပြီး၊ (၂၀၀၂)ကမ္ဘာ့ဖလားတွင် ချန်ပီယံဖြစ်ခဲ့ပြီးနောက်ပိုင်း၊ သူတို့၏ပထမဆုံးကမ္ဘာ့ဖလားအား ရယူသွားရန် ပစ်မှတ်ထားလျှက်ရှိနေသည်။

ပြီးခဲ့သည့်နွေက ကိုပါအမေရိကဖလားပြိုင်ပွဲတွင် ဘရာဇီးအသင်းသည် ကွာတားဖိုင်နယ်တွင် ပါရာဂွေးအသင်းအား ရှုံးနိမ့်ပြီး ပြိုင်ပွဲမှ ထွက်ခဲ့ရသော်လည်း၊ မီနီဇက်စ်က လာမည့် နှစ်နှစ်တွင် သူတို့၏ (၆)ကြိမ်မြောက် ကမ္ဘာ့ဖလားအား ရယူသွားရန် ဆန္ဒပြင်းပြလျှက်ရှိနေသည်။

"လာမယ့် (၂၀၁၄)ကမ္ဘာ့ဖလားမှာ ကျွန်တော်တို့ ချန်ပီယံဖြစ်မှာပါ၊ အသင်းမှာ စိတ်ဓာတ်ကြံ့ခိုင်ပြီး၊ အရည်အသွေးရှိတဲ့ မျိုးဆက်သစ်လူငယ်တွေကို ပိုင်ဆိုင်ထားပါတယ်"

"သူတို့ဟာ ငယ်ရွယ်ပေမယ့် ၊ ဘရာဇီးအသင်းအပေါ်ကျရောက်နေတဲ့ ဖိအားတွေကို အကောင်းဆုံးကိုင်တွယ်နိုင်ပါတယ်၊ ပြီးတော့ သူတို့ကို ထိန်းကျောင်းပေးမယ့် အတွေ့အကြုံရင့်ကျက်တဲ့ ကစားသမားတွေလည်း ရှိပါတယ်၊ မကြာခင်မှာ ပရိသတ်တွေကို အသိပေးသွားမှာပါ" ဟု မီနီဇက်စ်က ဘရာဇီး မာကာ သတင်းဋ္ဌာနအား ပြောကြားသွားခဲ့သည်။

အသက် (၄၉)နှစ်ရှိ မီနီဇက်စ်က နေမာသည် လာမည့်ကမ္ဘာ့ဖလားတွင် ထွန်းတောက်ကြယ်ပွင့်ဖြစ်လာမည်ဖြစ်သော်လည်း၊  သူ့အနေဖြင့် မက်ဆီအား ပိုမိုကြိုက်နှစ်သက်မိကြောင်း ၀န်ခံပြောကြားခဲ့သည်။

"လာမယ့် ကမ္ဘာ့ဖလားမှာ နေမာဟာ အကောင်းဆုံးကစားသမား ဖြစ်လာနိုင်ပါတယ်၊ ဒါပေမယ့် မက်ဆီရဲ့ အခန်းကဏ္ဍက ပိုပြီး ကြီးမားပါတယ်၊ သူဟာ အဆင့်တစ်ခုကို ရောက်ရှိနေတဲ့ ကစားသမားဖြစ်သလို၊ ပိုပြီးလည်း ရင့်ကျက်ပါတယ်"

"ကျွန်တော့်အနေနဲ့ နေမာရဲ့ တိုးတက်မှုဟာ ဒီမှာတင် ရပ်တန့်သွားမှာ စိုးရိမ်မိပါတယ်၊ ဘာဖြစ်လို့လဲဆိုတော့ သူတို့နှစ်ယောက်စလုံးဟာ လက်ရှိသူတို့ရဲ့ ခြေစွမ်းတွေကို အချိန်မရွေး ဆုံးရှုံးရနိုင်လို့ပါ" ဟု မီနီဇက်စ်က ပြောကြားခဲ့သည်။