သြစတေးလျတွင် မီးဆင်နှာမောင်း တိုက်

ငရဲ မင်း ကြီး မြေပေါ် ထွက် လာသည် ဟု ဂျပန် တို့  ခေါ် သည့် ဆန်းကြယ် သည့် သဘာဝ ဖြစ် ရပ် တစ်ခု ဖြစ်သော အမြင့် ပေ ၁၀၀ ခန့်  ရှိ မီးဆင်နှာ မောင်း တစ်ခု သည် သြစလေး နိုင်ငံ အလယ် ပိုင်း က အေယာ သဘာဝ ကျောက် တောင် ကြီး တွေ ရှိ တဲ့ နေရာ (Alice Spring) မှာ စက်တင်ဘာ လ ၁၁ ရက်နေ့ က တိုက် ခိုက် ခဲ့ တယ် လို့  ဗီဒီယို မှတ်တမ်း တင်ထား သူ Chris Tangey က ဆစ်ဒနီ မောနင်း ဟာရယ် ကို ပြောပါတယ်။
https://www.facebook.com/photo.php?v=277191562391134
http://www.dailymail.co.uk/news/article-2204468/Pictured-The-frightening-FIRE-tornado-whirled-Australian-outback-40-MINUTES.html#ixzz26oLwihcE

သွေးတိုးကျစေသည့် စပျစ်သီးခြောက်

အဖွဲ့က နှစ်ပေါင်း ၂၀ ခန့်ကြာ စမ်းသပ် ဖော်ထုတ်ချက် အရ သိရှိ ရသည်မှာ ဖလေဗုန်း (Flavone) ဓာတ်များ ပေါကြွယ်ဝသော အစား အစာ၊ အသီးအနှံ များကို စားသုံးမှီဝဲ ပေးခြင်းအားဖြင့် ပါကင်ဆန်ရောဂါ (Parkinson's Disease) ကို သက် သာစေပြီး ဖြစ်ပွားခံစားရနိုင်ခြေကို လည်း လျော့နည်း သွားစေနိုင် ကြောင်းသိရှိရသည်။
ယင်းဓာတ်များ ပေါကြွယ်ဝစွာ ပါဝင်လျက်ရှိသော စပျစ်သီးအခြောက်ကို နေ့စဉ် ၃ ကြိမ်ခန့်၊ စပျစ်သီးခြောက် ၆၀ လုံးခန့်ကို စားသုံးမှီဝဲပေးလျှင် သွေး တိုးရောဂါအား သိသိသာသာ ကျဆင်းခဲ့သည်ကို တွေ့ရှိခဲ့ရသည်။ ယင်းသုတေသနပြုချက်သည် အမေ ရိကန်နိုင်ငံ နှလုံးရောဂါလေ့လာရေး အဖွဲ့က သွေးတိုးရောဂါဝေဒနာရှင် ပေါင်း ၄၆ဦးကို လက်တွေ့စမ်းသပ် ချက်အရ မှန်ကန်ကြောင်း ထောက်ခံ အသိအမှတ်ပြုခဲ့သည်။
Ref : Sin Chew Daily (Malaysia)

ကေတီအောင်သိန်း(ရန်ကုန်တက္ကသိုလ်)

ဘီယွန်းစ်နှင့် ဂျေးဇီးတို့ ဇနီးမောင်နှံသည် အိုဘားမား ပြန်လည် ရွေးကောက်ပွဲ ဝင်မည့် မဲဆွယ် လှုပ်ရှားမှုတွင် ပါဝင် ကူညီ သွားမည်ဟု သိရ

ဘီယွန်းစ်နှင့် ဂျေးဇီးတို့ ဇနီးမောင်နှံသည် အမေရိကန် သမ္မတ ဘားရတ် အိုဘားမား ပြန်လည် ရွေးကောက်ပွဲ ဝင်မည့် မဲဆွယ် လှုပ်ရှားမှုတွင် ပါဝင် ကူညီ သွားမည်ဟု သိရသည်။ ကမ္ဘာကျော်ဂီတစုံတွဲသည် အမေ ရိကန်၏ သမိုင်းတစ်လျှောက် ပထမဆုံးလူမည်းသမ္မတအဖြစ် မှတ် တမ်းဝင်နိုင်ခဲ့သည့် အိုဘားမား၏ရွေးကောက်ပွဲရံပုံငွေတိုးမြှင့်နိုင်ရန် ကူညီသွားမည်ဖြစ်သည်။
၎င်းတို့သည် ဂျေးဇီးပိုင်ဆိုင်သည့် နယူး ယော့ခ်မြို့ နိုက်ကလပ်တစ်ခုတွင် ရံပုံငွေတစ်ခုကျင်းပပြီး အိုဘားမား အတွက် အလှူငွေထည့်ဝင်ရန် ကောက်ခံသွားမည်ဖြစ်သည်။ လက်မှတ်တစ်စောင်လျှင် ဒေါ်လာလေးသောင်းတန်ပြီး လက် မှတ်နှစ်စောင်ကို သာရောင်းချမည်ဟု ဆိုသည်။
ထိုပွဲမတိုင်မီ ဘီယွန်းစ် က အိုဘားမားကို လိုလားသူများထံ Email ပေးပို့ဖိတ်ကြားထား ခဲ့သည်။ ဂျေးဇီးရော၊ ဘီယွန်းစ်ပါ လက်ရှိအမေရိကန်သမ္မတကို ဒုတိယသက်တမ်းအနိုင်ရရန် မျှော်လင့်နေကြပြီး အနီးကပ်ကူညီပေး သွားရန် ပြင်ဆင်နေသည်။ ၄င်းတို့ရောင်းချမည် ရံပုံငွေရရှိရေး လက် မှတ်များတွင် လေကြောင်းလိုင်းစီးနင်းခွင့်နှင့် ဟိုတယ်များတွင်တည်း ခိုခွင့်စသည်တို့ကို ခံစားခွင့်ပေးထားဖွယ်ရှိနေကြောင်းသိရသည်။
ဘီယွန်းစ်တို့ဇနီးမောင်နှံအနေဖြင့် အိုဘားမားအား အကူအညီ ပေးခြင်းသည် ယခုတစ်ကြိမ်ပထမဆုံးမဟုတ်ခဲ့သလို သမ္မတမိသားစု နှင့်လည်း ရင်းနှီးသောဆက်ဆံရေးမျိုးတည်ထောင်ထားခဲ့သည်။
သမ္မတကတော် မီချယ်လ်အိုဘားမားသည် ဘီယွန်းစ်၏ လူသား ချင်းစာနာမှုဆိုင်ရာလှုပ်ရှားခြင်းများတွင် ပါဝင်ကူညီပေးခဲ့သလို ဂျေဇီး ၏ ဖီလာဒဲလ်ဖီးယားတွင် ယခုလအစောပိုင်းကရိုက်ကူးသော ဗီဒီယို အတွင်း သမ္မတအိုဘားမားပါဝင်ခဲ့ကြောင်းသိရသည်။

ကြယ်စင်(လားရှိုး)

ကွမ်းရွက်၏ ကျန်းမာရေး အကျိုးကျေးဇူးများ

ကွမ်းရွက်မှာ ပါဝင်တဲ့ ဗီတာမင်နဲ့ သတ္တုဓာတ်တွေက ကယ်လ်စီယမ်၊ ကာရိုတင်း၊ ရိုင်ဘိုဖလေဗင်၊ နိုင်ယာစင်၊ သိုင်ယာမင်းနဲ့ ဗီတာမင်စီတို့ ဖြစ်ကြပါတယ်။ လတ်တလော လေ့လာ မှုတွေအရ ကွမ်းရွက်မှာ တန်နင်၊ သကြား၊ မရှိမဖြစ်ဆီ စတာတွေ ပါဝင်နေကြကြောင်း သိရပါတယ်။ ကွမ်းရွက်မှာပါတဲ့ ချာဗီကောဆိုတဲ့ ဖီနော ဓာတ်ဟာ အစွမ်းထက် ပိုးသတ်အာနိသင်ရှိပါတယ်။ ကွမ်းရွက်မှာ အောက်ပါ ဆေးဖက်ဝင် အစွမ်းသတ္တိတွေ ပါဝင်နေပါတယ်။

 အကိုက်အခဲပျောက်စေပါတယ်

ကွမ်းရွက်မှာ အကိုက်အခဲပျောက်တဲ့ အာနိသင်နဲ့ အေးမြစေတဲ့ အာနိသင်တို့ ရှိကြပါတယ်။ ဒါကြောင့် ပြင်းပြင်း ထန်ထန် ခေါင်းကိုက်နေ သူတွေမှာ ခေါင်းကိုက် တဲ့ နေရာပေါ် ကွမ်းရွက်အုပ်ပေးပါက ကောင်းမွန်တဲ့ ရလဒ်ကို ရရှိစေပါတယ်။

 မွေးကျွတ်နာကို သက်သာစေပါတယ်

ကွမ်းရွက်ကို အနာစိမ်းနဲ့ မွေးကျွတ်နာတွေ ကုသရာမှာ အသုံးပြုနိုင်ပါတယ်။ သန့်စင်အောင် ဆေးကြောထားတဲ့ ကွမ်းရွက်တစ်ရွက်ကို နူးညံ့ပျော့ပျောင်းတဲ့အထိပြုတ်ပြီး ကြက်ဆူဆီ သုတ်လိမ်းပေးပါ။ ကြက်ဆူဆီ သုတ်လိမ်းထားတဲ့ ကွမ်းရွက်ကို ရောင်ရမ်းနေတဲ့ မွေးကျွတ်နာ ဒါမှမဟုတ် အနာစိမ်းပေါ် ကပ်ပေးပါ။ ပြီးရင် အဲဒီကွမ်းရွက်ကို နာရီ အနည်းငယ်ကြာတာနဲ့ ဖယ်ရှားပြီး အသစ်ကပ်ပေးရမှာ ဖြစ်ပါတယ်။ ဒီလိုကပ်ရင်း အနာစိမ်း ဒါမှမဟုတ် မွေးကျွတ်နာက ပေါက်သွားပါလိမ့်မယ်။

 ဆီးသွားစေတဲ့ အစွမ်းရှိပါတယ်

ကွမ်းရွက်ပြုတ်ရည်ကို သောက်ပေးရင် ဆီးသွားစေတဲ့ အာနိသင်ရှိပါတယ်။ 

အဆုတ် ထိခိုက်မှု ဝေဒနာကို သက်သာစေပါတယ်

ကွမ်းရွက်တွေကို ကလေးငယ်တွေနဲ့ အသက်ကြီးသူတွေမှာဖြစ်တဲ့ အဆုတ် ထိခိုက်မှု ဝေဒနာတွေ ကုသရာမှာ အသုံးပြုနိုင်ပါတယ်။ မုန်ညင်းဆီထဲ စိမ်ထားတဲ့ ကွမ်းရွက်ကို ပူနွေးအောင်ကင်ပြီး အေးသွားချိန်မှာ ရင်ဘတ်ပေါ် ကပ်ပေးရင် ချောင်းဆိုးတာနဲ့ အသက်ရှူမဝတဲ့ ဝေဒနာတို့ကို သက်သာစေပါတယ်။

 အဆစ်ရောင်နာကို သက်သာစေပါတယ်

ကွမ်းရွက်ကို အဆစ်ရောင်နာတဲ့ နေရာပေါ်မှာ ကပ်ပေးရင် သက်သာစေပါတယ်။

 အနာကျက်စေပါတယ်

ကွမ်းရွက်ပြုတ်ရည် အနည်းငယ်ကို ထိခိုက်ဒဏ်ရာပေါ်မှာ သုတ်လိမ်းပေးပြီး ပတ်တီးစည်းထားပေးပါက နှစ်ရက်ခန့်အတွင်း အနာကျက်မြန်စေပါတယ်။

 သတိပေးချက် 

ကွမ်းယာကို မကြာခဏ ဝါးစားတာကြောင့် ခံတွင်းမှာ ကင်ဆာဖြစ်နိုင်ခြေရှိပါတယ်။ အကြောင်းကတော့ ကွမ်းယာထဲမှာ ထည့်သုံးတဲ့ဆေးနဲ့ တခြားပါဝင် ပစ္စည်းတွေကြောင့် ဖြစ်ပါတယ်။ ဒါကြောင့် ကွမ်းစားတတ်သူတွေ အနေနဲ့ ကွမ်းယာကိုတော့ တတ်နိုင်သမျှ လျှော့စားသင့်ပါတယ်။

ကြယ်စင်

နှစ်ခြောက်ဆယ်ကျော်တွင် ပထမဆုံး အမျိုးသမီးဝန်ကြီး ဒေါ်မြတ်မြတ်အုန်းခင်

ရန်ကုန် (မဇ္ဈိမ) ။        ။ သမ္မတဦးသိန်းစိန်၏ ကက်ဘိနက်အဖွဲ့ အပြောင်းအလဲတွင် ဒေါ်မြတ်မြတ်အုန်းခင်သည် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီး ဖြစ်လာရာ နှစ်ပေါင်းခြောက်ဆယ်ကျော်တွင် ပထမဆုံး ပြည်ထောင်စုအဆင့် အမျိုးသမီး ဝန်ကြီး ခန့်အပ်ခံရခြင်း ဖြစ်သည်။

သြဂုတ်လ ၄ ရက်နေ့က ပြည်ထောင်စုလွှတ်တော်က  အတည်ပြုပေးခဲ့သော ဝန်ကြီးနှင့် ဒုတိယစာရင်းအရ ယခင် ကျန်းမာရေးဝန်ကြီးဌာန ဒုတိယဝန်ကြီးဖြစ်သော ဒေါ်မြတ်မြတ်အုန်းခင်မှာ ရာထူးတိုးကာ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီး ဖြစ်သွားသည်။

၁၉၄၈ ခုနှစ် လွတ်လပ်ရေးရပြီးချိန်ကစ၍ ယနေ့အထိ ရေတွက်လျှင် အာဏာသိမ်း စစ်အစိုးရများ အပါအဝင် အစိုးရ ခုနှစ်ခုမြောက်ဖြစ်နေချိန်တွင် ဗဟိုအစိုးရတွင် အမျိုးသမီးဝန်ကြီး ရရှိသည်မှာ ယခုတစ်ကြိမ်သာ ဖြစ်သည်။

"မြန်မာနိုင်ငံရဲ့ သမိုင်းမှာ၊ ကျွန်တော်ကြုံခဲ့သလောက် အမြင့်ဆုံးအနေနဲ့ အိန္ဒိယနိုင်ငံဆိုင်ရာ မြန်မာသံအမတ် အဖြစ် ဒေါ်ခင်ကြည် ဖြစ်ဖူးတာပဲရှိတယ်၊ ဒိအပြင်တော့ အမျိုးသမီးတွေကို ဝန်ကြီးရာထူးမျိုးပေးတာတော့ မရှိဘူး" ဟု အတိုက်အခံပါတီ အမျိုးသားဒီမိုကရေစီအဖွဲ့ချုပ်၏ အကြီးတန်းခေါင်းဆောင်တဦးဖြစ်သော ဦးဝင်းတင် ကပြောသည်။

လက်နက်ကိုင် တိုင်းရင်းသားအဖွဲ့များနှင့် ငြိမ်းချမ်းရေး ဆွေးနွေးမှု၏ လုပ်ငန်းစဉ်အောက် ပြန်လည်ထူထောင်ရေး လုပ်ရန် အစိုးရအဖွဲ့တွင် ဘတ်ဂျက်အခက်အခဲရှိနေသည်ဟု ထုတ်ဖော်ပြောထားသည့် သမ္မတဦးသိန်းစိန်၏ ဝန်ကြီး ဌာနနှင့် ဝန်ကြီးအပြောင်းအလဲမှာ ဝန်ကြီးအရေအတွက် ပိုလာသည်။ လွန်ခဲ့သည့်တစ်နှစ်ခွဲက အရပ်သားဟန်
ပြောင်းပြီး အစိုးရသစ်ဖွဲ့စဉ်က ဝန်ကြီးဌာန ၃၄ ခုနှင့် ဝန်ကြီး ၃ဝ ဦးရှိခဲ့ရာက ယခုတွင် ဝန်ကြီးဌာန ၃၁ ခုနှင့် ဝန်ကြီး ၃၆ ဦး ဖြစ်လာခဲ့သည်။

ရှမ်းသံတော်ဆင့်သတင်းက ထုတ်ပြန်ထားသော ကရင်အမျိုးသား အစည်းအရုံးနှင့် သမ္မတဦးသိန်းစိန်တို့၏ ဆွေးနွေးပွဲ တွင် သမ္မတက "တိုင်းရင်းသားတွေ ပြန်ရောက်လာရင် စားဖို့အတွက် ဘယ်လိုလုပ်ကြမလဲ။ နေဖို့အတွက် ဘယ်လို လုပ်ကြမလဲ။ ရေတိုစားဖို့အတွက် ရေရှည်စားဖို့အတွက် ဘယ်လိုလုပ်ကြမလဲ။ Donor Country တွေလည်း ကျနော် တို့ ခေါ်ရပါမယ်။ ကျနော်တို့ချည်းပဲ မတတ်နိုင်ဘူး။ ဒါကို ကျနော်ရိုးရိုးသားသားနဲ့ ပွင့်ပွင့်လင်းလင်း ပြောရမယ်ဆိုရင် ကျနော်တို့ Budget လည်း ကုန်လုနီးပါး ဖြစ်နေပြီ။ မတတ်နိုင်တော့ Donor Country တွေကို ကျနော်တို့က ရှာရမယ်။ ရှာတော့ နိုင်ငံ လေးငါးခြောက် နိုင်ငံလောက်ကတော့ ကျနော်တို့ကို ကူညီဖို့ အသင့်ရှိနေပြီ။" ဟု ပြောသွားသည်။

ပြန်ကြားရေးနှင့် ယဉ်ကျေးမှု၊ အလုပ်သမားနှင့် လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး၊ ဟိုတယ် ခရီးနှင့် အားကစား၊ အမျိုးသားစီမံကိန်းနှင့် စီးပွားရေးဖွံ့ဖြိုး တိုးတက်မှုနှင့် မွေးမြူရေးနှင့် ရေလုပ်ငန်းတို့ကို ဝန်ကြီး တစ်ဦးထဲက ဌာနနှစ်ခုတွဲ ကိုင်ရာက ဌာနတစ်ခု ဝန်ကြီးတစ်ဦးသို့ နေရာပေးလိုက်သည်။

သို့သော် အလုပ်မဖြစ်သော စက်မှုဖွံဖြိုးရေးဝန်ကြီးဌာနကို ဖျက်သိမ်းလိုက်ပြီး ထုတ်လုပ်ရေးနှင့် ဖြန့်ဖြူးရေးအတွက်
နှစ်ပိုင်းခွဲထားသော လျှပ်စစ်ဝန်ကြီးဌာနကို တစ်ခုတည်းအဖြစ် ပြန်လည်ပြောင်းလိုက်သည်။ သမ္မတရုံးဝန်ကြီး
နောက်ထပ် လေးဦး ထပ်ဖြည့်လိုက်သည်။

အသစ်ပြောင်းလဲခန့်အပ်လိုက်သော ဒုတိယဝန်ကြီး ၁၅ နေရာတွင် အမျိုးသမီးဝန်ကြီး လေးဦးပါလာသည်။

ဒေါက်တာ ဒေါ်ခင်စန်းရီ (စီမံ/စီးပွား ဝန်ကြီးဌာန)၊ ဒေါ်စုစုလှိုင်(လူမှု/ဝန်ထမ်းဝန်ကြီးဌာန)၊ ဒေါက်တာ
ဒေါ်သက်သက်ဇင် (ပတ်ဝန်းကျင်/သစ်တော) ဒေါက်တာဒေါ်သိန်းသိန်းဌေး (ကျန်းမာရေးဝန်ကြီးဌာန) တို့ဖြစ်ကြသည်။

အမျိုးသမီးများကို နိုင်ငံ့ဦးဆောင်မှုတွင် နေရာပေးမှု နည်းနေသေးသည်ဟု ဝေဖန်ကြသည်။

"အမှန်က အမျိုးသမီးတွေကို ဝန်ကြီးအဆင့်အနေနဲ့ ဒိထက်ပိုပြီး မျှော်လင့်ခဲ့ပါတယ်၊ ဒါပေမယ့် ဖြစ်လာတော့ တစ်ယောက်တည်း၊ ပြီးတော့ ကြံ့ခိုင်ရေးက၊ နိုင်ငံတကာ စံနှုန်းနဲ့ဆိုရင် အစိုးရအဖွဲ့မှာ အမျိုးသမီး အရေအတွက်က သုံးပုံတစ်ပုံ ရှိနေရမှာ၊ ခု ဒီအရေအတွက်က အရမ်းနည်းနေပါသေးတယ်" ဟု ရန်ကုန်တိုင်းဒေသကြီး လွှတ်တော် အမတ် ဒေါက်တာဒေါ်ညိုညိုသင်းက မဇ္ဈိမကို ပြောသည်။

၂၀၁၂ ခုနှစ်ထုတ်  ပါလီမန်ဆိုင်ရာသမဂ္ဂ၏ အစီရင်ခံစာတစ်ခုအရ မြန်မာနိုင်ငံ၏ အမျိုးသမီးများ ပါဝင်
ဆောင်ရွက်နိုင်မှုမှာ နိုင်ငံပေါင်း ၁၄၃ နိုင်ငံအနက် ၁၃၄ နိုင်ငံစာရင်းတွင်သာရှိသည်ဟုဆိုသည်။

ခုနှစ်ဦးပါ ပြည်ထောင်စု တရားလွှတ်တော်ချုပ် တရားသူကြီးများတွင်လည်း အမျိုးသမီးတဦးမှ ပါဝင်ခြင်းမရှိပါ။

အောက်လွှတ်တော် အမတ် ၄၄၀ ဦးအနက် အမျိုးသမီးအမတ် ၂၅ ဦး ပါဝင်၍ ၅.၇ ရာခိုင်နှုန်းသာရှိသလို အထက် လွှတ်တော်အမတ် ၂၂၄ ဦးအနက် အမျိုးသမီးအမတ် ၄ ဦးသာပါဝင်၍ ၁.၈ ရာခိုင်နှုန်းသာရှိသည်။ ပြည်ထောင်စု လွှတ်တော်တရပ်လုံး အနေဖြင့် အမျိုးသမီးပါဝင်မှု ၃.၇၅ ရာခိုင်နှုန်းသာဖြစ်သည်။

"အမျိုးသမီးတစ်ယောက် ဖြစ်လာတော့ အခွင့်အရေးတွေကလည်း အမြင့်ဆုံးလို့ ပြောလို့ရတာပေါ့၊ ဒါပေမယ့် အမျိုးသားဝန်ကြီးတွေကြားထဲမှာ အမျိုးသမီး တစ်ဦးတည်းဖြစ်တာဆိုတော့ အားနည်းတာပေါ့၊ အမှန်တကယ်က လေး၊ ငါးယောက်လောက်မှ ပိုကောင်းမယ်" ဟု အောက်လွှတ်တော်အမတ် ဒေါ်နန်းဝါနု က ပြောသည်။

မလေးရှားကို မြန်မာအမျိုးသမီး အလုပ်သမများ တရားဝင်ပို့ဆောင်

 

ရန်ကုန် (မဇ္ဈိမ) ။        ။ မလေးရှားနိုင်ငံတွင် သွားရောက် လုပ်ကိုင်လိုသော မြန်မာအမျိုးသမီး လုပ်သားများ တရားဝင် ပို့ဆာင်ပေးနေမှုကို သြဂုတ်လ နောက်ဆုံးပတ်မှ စတင်နေခဲ့ရာ မြန်မာအမျိုးသမီး လုပ်သားများကို
ပြည်ပနိုင်ငံများတွင် တရားဝင် သွားရောက်လုပ်ကိုင်ခွင့် စတင်ခွင့်ပြုမှု ဖြစ်လာသည်။

မလေးရှားငွေ ရင်းဂစ် ၉၀၀ သို့မဟုတ် တလစာလုပ်အားခကို ဝန်ဆောင်ခအဖြစ် ပေးဆောင်ရမည့် အလုပ်များ အတွက် လုပ်သားဦးရေ နှစ်ရာခန့် သွားရောက် လုပ်ကိုင်နေပြီး ဖြစ်သည်ဟု ယုံကြည်ရသည်။

အလုပ်သမားဝန်ကြီးဌာန၏ ခွင့်ပြုချက်ဖြင့်  အလုပ်အကိုင် ရှာဖွေရေး အေဂျင်စီများမှ အေဂျင်စီ သုံးခု စေလွှတ်ခွင့် ရခဲ့သည်ဟု အေဂျင်စီ အသိုင်းအဝန်းမှ သိရသည်။

ပြည်ပအလုပ်အကိုင် အေဂျင်စီ တာဝန်ရှိသူတစ်ဦးက " စက်ရုံက အီလက်ထရောနစ် ပစ္စည်းတွေ လုပ်တဲ့ စက်ရုံပါ။
နေစရာ နေရာကလည်း အမျိုးသမီးတွေ အတွက် လုံခြုံမှု ရှိပါတယ်။ စက်ရုံက လူ ၇၀၀၀ လောက် လိုပါသေးတယ် " ဟု ပြောသည်။

ပြည်ပအလုပ်အကိုင် ရှာဖွေရေး အေဂျင်စီတခု၏ အပြောအရ သွားရောက် လုပ်ကိုင်လိုသူအတွက် ကုမ္ပဏီမှ
လေယာဉ်လက်မှတ်၊ နိုင်ငံကူးလက်မှတ်တို့အတွက် ကုန်ကျစရိတ်ကို ပြန်လည် ထုတ်ပေးမှာ ဖြစ်သည်ဟု ဆိုသည်။ အသက် ၂ဝ မှ ၃၅ နှစ်အတွင်း အခြေခံပညာ အဆင့် ရှစ်တန်း အောင်မြင်ပြီးသူများ သွားရောက် လုပ်ကိုင်နိုင်သည်ဟု ဆိုသည်။

သို့သော် ဦးစွာ သွားရောက်လုပ်ကိုင်လိုသူက ငွေစိုက်ထုတ်ထားရမှာဖြစ်ပြီး မလေးရှားနိုင်ငံ ပြည်ဝင်ခွင့် ဗီဇာရပြီးချိန် တွင် ကုမ္ပဏီက ကုန်ကျငွေကို ပြန်အမ်းမှာ ဖြစ်သည်။ ကုမ္ပဏီသို့ ဝန်ဆောင်ခအဖြစ် လုပ်ခလစာမှ တလလျှင် ရင်းဂစ်ငွေ ၁၅၀ ဖြင့် ခြောက်လ ဖြတ်တောက်သွားမှာ ဖြစ်သည်။

တလလျှင် ရက် ၂၀ ပုံမှန် အလုပ်ရက် သတ်မှတ်ထားပြီး လစာမှာ ရင်းဂစ် ၉၀၀ ဖြစ်သည်။ ကြာသပတေးနေ့
ပေါက်ဈေးမှာ တစ်ရင်းဂစ်လျှင် မြန်မာကျပ်ငွေ ၂၇၉.၄ ကျပ် ဖြစ်သည်။ စနေနှင့် တနင်္ဂနွေ နေ့များကို အချိန်ပို အဖြစ် သတ်မှတ်ပေးပြီး အချိန်ပိုကြေးပေးမည် ဟုဆိုသည်။

လေယာဉ်လက်မှတ်ရပြီးချိန်တွင် သွားရောက် လုပ်ကိုင်လိုခြင်း မရှိတော့လျှင် လျော်ကြေးပေးဆောင်ရန် သတ်မှတ် ထားသည်။

သွားရောက် လုပ်ကိုင်မည့် အသက် ၃၀ ဝန်းကျင် အမျိုးသမီး တစ်ဦးက " အချိန်ပို မရှိရင်တော့ မကိုက်ဘူး။ ဖြတ်မှာနဲ့ ဆိုရင် တစ်လကို (ကျပ်) တစ်သိန်းကျော်ပဲ ကျန်မယ်။ အချိန်ပို ရှိပါစေ ဆုတောင်း ရမှာပဲ။" ဟု ဆိုသည်။

ချန်ပီယံဖြစ်လျှင် ကမ္ဘောဇဘောလုံးအသင်း ဆုကြေးကျပ်သိန်း ခြောက်ထောင်ရမည်

ရန်ကုန် (မဇ္ဈိမ) ။        ။ မြန်မာနေရှင်နယ်လိဂ် အမှတ်ပေးဇယားတွင် ဒုတိယနေရာ၌ ရပ်တည်နေသော ကမ္ဘောဇ အသင်းအနေဖြင့် ချန်ပီယံဆုရရှိခဲ့ပါက  ဆုကြေးငွေသိန်း  ၆၀၀၀ ကျပ် ပေးသွားမှာဖြစ်ကြောင်း ကမ္ဘောဇအသင်း၏ ဥက္ကဋ္ဌ ဦးမိုးဆန်းအောင်က ပြောသည်။

"အသင်းအနေနဲ့ ချန်ပီယံဖြစ်ခဲ့မယ်ဆိုရင် အသင်းပိုင်ရှင်က ချီးမြှင့်တဲ့ ဆုကြေးငွေ သိန်း ၆၀၀၀ ကျပ်ကိုရမှာပါ။
နောက်ဆုံးပွဲမှာ ရန်ကုန်ကလည်း အနိုင်အရှုံး မသေချာသေးတာကြောင့် ကျွန်တော်တို့ အသင်းအနေနဲ့ ဗိုလ်စွဲဖို့ အခွင့်အရေးတွေ အများကြီးရှိနေပါတယ်" ဟု ဦးမုိုးဆန်းအောင်က ပြောသည်။

ကမ္ဘောဇအသင်းအနေဖြင့် လက်ရှိအချိန်တွင် မြန်မာနေရှင်နယ်လိဂ် အမှတ်ပေးဇယား ပထမနေရာတွင် ရပ်တည်နေ
သော ရန်ကုန်ယူနိုက်တက်နှင့် တစ်မှတ်သာကွာဟပြီး ရမှတ် ၅၆ မှတ်ဖြင့် ဒုတိယ လိုက်နေသည်။

ရန်ကုန်ယူနိုက်တက်သည် နောက်ဆုံးပွဲစဉ်ကို ကစားပုံ မာကျောသည့် ဧရာဝတီအသင်းနှင့် ကစားရမည် ဖြစ်သော
ကြောင့်ပွဲကျပ်နေပြီး ကမ္ဘောဇအသင်းမှာမူ အဆင့် ၁၂ နေရာမှ ဇွဲကပင်အသင်းနှင့် ကစားရမည် ဖြစ်သည်။  

အကယ်၍သာ ဆုချီးမြှင့်ဖြစ်လျှင် မြန်မာ့ကလပ်အသင်း ဘောလုံးသမိုင်းအတွက် စံချိန်တင် ဆုကြေးငွေဖြစ်လာလိမ့် မည်။ ၂၀၁၁က အမှတ်ပေး ချန်ပီယံဖြစ်ခဲ့သည့် ရန်ကုန်ယူနိုက်တက် ရရှိခဲ့သော ဆုကြေးထက် နှစ်ဆကျော်ခန့် များပြားနေသည်။

ရန်ကုန်ယူနိုက်တက်အသင်းအနေဖြင့် ယမန်နှစ်က ချန်ပီယံဆု ဆွတ်ခူးနိုင်ခဲ့သည့်အတွက် အသင်းပိုင်ရှင်မှ ဆုကြေး အဖြစ် အမေရိကန်ဒေါ်လာ ၃သိန်း(မြန်မာငွေ သိန်း ၂၅၀၀ ခန့်) ချီးမြှင့်ခဲ့သည်။

ယခုနှစ် မြန်မာနေရှင်နယ်လိဂ် ပြိုင်ပွဲအတွက် မြန်မာဘောလုံးအဖွဲ့ချုပ်မှ ချီးမြှင့်သော ဆုကြေးငွေပမာဏမှာလည်း ယခင်နှစ်များကထက် မြင့်တက်ခဲ့ပြီး ချန်ပီယံဆုအတွက် သိန်းတစ်ထောင် ကျပ်၊ ဒုတိယဆုအတွက် ကျပ်သိန်း ၇၅၀၊ တတိယဆုအတွက် ကျပ်သိန်း ၅၀၀၊  စတုတ္ထနှင့် ပဉ္စမဆုများအတွက် သိန်း ၃၀၀ စီ ချီးမြှင့်သွားရန် ရှိနေပြီး ပြိုင်ပွဲတွင် ဝင်ရောက်ယှဉ်ပြိုင်သည့်အတွက် ပြိုင်ပွဲဝင် ချီးမြှင့်ထောက်ပံ့ငွေအဖြစ် အသင်းတစ်သင်းစီအား  ကျပ်သိန်း ၂၀၀ စီ ချီးမြှင့်မည် ဖြစ်သည်။

မြန်မာဘောလုံးအဖွဲ့ချုပ်အနေဖြင့် ပြီးခဲ့သည့် ဘောလုံးရာသီများတွင် ပထမ၊ ဒုတိယနှင့် တတိယဆုများသာ ချီးမြှင့်ခဲ့
ပြီး ပထမဆုအဖြစ် ကျပ်သိန်း ၅၀၀၊ ဒုတိယဆုအဖြစ်ကျပ် သိန်း ၃၀၀ ကျပ်နှင့် တတိယဆု ကျပ်သိန်း ၂၀၀ ကျပ် တို့သာ ချီးမြှင့်ခဲ့သည်။