ဧရာမခြေထောက် ပိုင်ရှင် ၁၀ နှစ်သား ကလေးငယ်လေး

     အသားစား ရောဂါပိုး တစ်ခု ကူးစက်ခံ ရပြီးနောက် ယူဂန်ဒါနိုင်ငံမှ ဗင်းဆင့်အော်ကက် (၁၀ နှစ်) သည် ခြေထောက်များ ကြောက်ခမန်းလိလိ ကြီးထွားလာရာသူ့အား ဆင်ကောင်လေး ဟုအများက ခေါ်ဝေါ်ကြသည်။ သူသည် လမ်းမလျှောက်နိုင်တော့ သည့် အပြင်ဘောင်း ဘီ ဝတ် ၍လည်း မရတော့သောကြောင့် မိန်းကလေးအဝတ်အစားများနှင့် စကတ်တို့ ၀တ်ဆင် ပေးထားရသည။်

ယခုအခါ သူနေထိုင်ရာ ပီတာအမည်ရှိရွာမှ ဆရာဝန်များက ကလေးငယ် သည် ဆေးမကုဘဲ ထားပါက မကြာခင်သေ ဆုံးရတော့မည် ဖြစ်သောကြောင့် အကူ အညီများ ပေးကြရန် နိုင်ငံတကာသို့ အကူအညီတောင်းခံထားကြောင်း သိရသည်။ ဗင်းဆင့်၏ မိသားစုသည် သူ ၁၈ လသား အရွယ်ကတည်းက သူ့၌ ရောဂါဖြစ်နေကြောင်း သတိပြုမိသော်လည်း ဆင်းရဲလွန်းသောကြောင့် ဆေးခန်းမပြနိုင်ရှာပေ။ သူကြီးပြင်းလာသည် နှင့်အမျှ သူ၏ခြေထောက်များမှာလည်း ကြီး၍လာခဲ့သည်။ ဆရာဝန်များသည် ကလေးငယ်၌မူလက ဆင်ခြေထောက်ရောဂါ ကဲ့သို့ ပြန်ရည်ကြော စနစ်ဆိုင်ရာ ရောဂါတစ်ရပ်ရှိမည်ဟု ခန့်မှန်းခဲ့ကြသည်။
သို့သော်သူ၏ ခြေထောက်များကြီးထွားလာမှုက အရိုးများအပေါ်ပါ သက်ရောက်မှုရှိပြီး တင်ပဆုံရိုးမှာ အဆစ်လွဲသွားပြီး ခြေကျင်း ဝတ်ရိုး မှာ လည်း ကျိုးသွားခဲ့သည်ဟု ဆိုသည်။ အသားစ နမူနာယူ၍ စမ်းသပ်စစ်ဆေးကြည့်ရာ၌ ကလေးငယ်သည် အသားစားရောဂါပိုး တစ်မျိုး ကူးစက်ခံရခြင်းဖြစ်ပြီး ဆေးမကုဘဲထားပါက မကြာခင်သေဆုံးရမည်ဟု ဆိုသည်။

လာမည့်ရာသီအကုန်တွင် အနားယူဖွယ်ရှိနေသည့် ဖာဂူဆန်

လာမည့်ရာသီအကုန်တွင် အနားယူဖွယ်ရှိနေသည့် ဖာဂူဆန် ၀ီဂန်အသင်းဥက္ကဋ္ဌ ဒေ့ဗ်ဝှီလန်က သူ၏မိတ်ဆွေ ဆာအဲလက်စ်ဖာဂူဆန်သည် ကျန်းမာရေးအခြေအနေအရ လာမည့် (၂၀၁၂-၁၃)ရာသီအကုန်တွင် မန်ယူအသင်းနည်းပြရာထူးမှ အနားယူသွားနိုင်ကြောင်း အရိပ်အမြွက်ပြောကြားသွားခဲ့သည်။ ဖာဂူဆန် အသက် (၇၀)နှစ်သည် (၁၉၈၆)ခုနှစ်မှစ၍ မန်ယူအသင်းအား စတင်ကိုင်တွယ်ခဲ့ပြီး၊ ပရီမီးယားလိဂ်ဖလား (၁၂)ကြိမ်အပါအ၀င်၊ မန်ယူအသင်းအား မယုံနိုင်စရာ အောင်မြင်မှုများစွာ ရယူပေးခဲ့သည်။ ဖာဂူဆန်သည် (၂၀၀၁-၀၂)ရာသီက အနားယူရန် ကြေညာခဲ့ဖူးသော်လည်း၊ နောက်ပိုင်းတွင် အသင်းအား ဆက်လက်နည်းပြခဲ့သည်။ ဖာဂူဆန်သည် (၂၀၁၁)၊ ဒီဇင်ဘာလက သူ့အနေဖြင့် မန်ယူနည်းပြအဖြစ် နောက်သုံးနှစ်အထိ ဆက်ရှိနေချင်သည်ဟု ပြောကြားခဲ့သော်လည်း၊ ၀ှီလန်က သူ၏ မိတ်ဆွေကြီးသည် လာမည့်ဘောလုံးရာသီအကုန်တွင် အနားယူသွားနိုင်ကြောင်း ပြောကြားခဲ့ခြင်းဖြစ်သည်။ "နောက်ရာသီအကုန်မှာ ဆာအဲလက်စ် အနားယူနိုင်ပါတယ်၊ ထိပ်ဆုံးအဆင့်မှာ အချိန်အတော်ကြာ ရပ်တည်နေတဲ့ လူတစ်ယောက်အတွက် ဖိအားတွေက အရမ်းများပါတယ်" "အသက်ကြီးလာလေ၊ အဲဒီဖိအားတွေကို ကျော်လွှားဖို့ ခက်ခဲလာလေပါ၊ ဖာဂီရဲ့ ဇွဲသတ္တိကိုတော့ လေးစားပါတယ်၊ သူဟာ နောက်ဆုံးအချိန်အထိ ဆက်လက်တိုက်ပွဲဝင်သွားချင်တယ်ဆိုတာ ကျွန်တော် သိပါတယ်" "သူ နောက်ထပ် နှစ်နှစ်၊ သုံးနှစ်လောက် ဒါမှမဟုတ် ဒီထက်ပိုပြီး နည်းပြသွားချင်တယ်ဆိုတာ ကျွန်တော် သိပါတယ်၊ ဒါပေမယ့် ပြီးခဲ့တဲ့ ရက်သတ္တပတ်တွေမှာ သူ့ဟာ စိုးရိမ်ထိတ်လန့်မှုတွေနဲ့ ရင်ဆိုင်ခဲ့ရပါတယ်၊ ဒီအခြေအနေက သူ့အနေနဲ့ နောက်ထပ် ငါးနှစ်လောက် ဆက်ပြီး နည်းပြဖို့ဆိုတာ မလွယ်ကူနိုင်ဘူးဆိုတာ ညွှန်ပြနေပါတယ်၊ ဒါဟာ အရမ်းကိုစွန့်စားရာ ကျပါလိမ့်မယ်" "သူဟာ အကောင်းဆုံးနည်းပြလို့ ကျွန်တော်ပြောချင်ပါတယ်၊ သူရဲ့ အနားယူမှုဟာ ဘောလုံးလောကအတွက်တော့ ကြီးမားတဲ့ ဆုံးရှုံးမှုတစ်ခု ဖြစ်လာမှာပါ၊ ဒါဟာ လုံးဝကျိန်းသေပါတယ်" "သူ့ရဲ့ နှိုင်းယှဉ်လို့မရတဲ့ အောင်မြင်မှုတွေကို ရယူခဲ့ပုံတွေ၊ ထူးချွန်တဲ့ကစားသမားတွေကို ဘယ်လိုရွေးချယ်ရမယ်ဆိုတာ နားလည်တတ်ကျွမ်းမှုတွေက သူ့ကို ကျွန်တော့်တို့ရဲ့ဘ၀တစ်လျှောက် ထာဝရအကောင်းဆုံးနည်းပြအဖြစ် ရောက်ရှိစေခဲ့တာပါ"ဟု ၀ှီလန်က ပြောကြားသွားခဲ့သည်။