လျှပ်စစ်ကို လေလိုသုံးနိုင်ရေး

လျှပ်စစ် ထုတ်လုပ်တဲ့ လေရဟတ် တာဘိုင်တွေ တွင်ကျယ် လာတာ နှစ်ပေါင်း ၃၀ ခန့် ရှိပြီ။ ၁၉၇၀ ပြည့်နှစ် ဝန်းကျင်မှာ ရေနံ ဈေးနှုန်းတွေ ခေါင်ခိုက် လာတာကြောင့် စက်မှု လုပ်ငန်း လိုအပ်ချက်ဖြစ်တဲ့ စွမ်းအင်ပြဿနာ ကို ဖြေရှင်း ခဲ့တာပဲ။ ဒါပေမဲ့ ရာသီဥတု ကောင်းတဲ့ နေရာတွေမှာ တောင်မှ အဲဒီခေတ် လေရဟတ်တွေက အပြည့် အဝ စွမ်းဆောင် မပေးနိုင်ဘူး။ ဒလက်ပြား တည်ဆောက်ပုံ စနစ်ကို တီထွင် ဆန်းသစ်ဖို့ လိုအပ်ကြောင်း တွေ့ရှိ လာတယ်။ မကြာမီ နှစ်အနည်းငယ် အတွင်း နည်းပညာ အဆင့်မြင့် အသုံးပြု ပေမယ့် စိန်ခေါ်မှုတွေ ကျန်ရှိနေ သေးတယ်။ လေဒလက်တွေကို ဝင်တိုက်မိလို့ ငှက်တွေ သေဆုံးရတာကလည်း ပြဿနာတစ်ခု ဖြစ်နေတယ်။ လေရဟတ် တာဘိုင်တွေကို ပိုပြီး ကြီးမားစွာ တည်ဆောက် လာခြင်းကြောင့် လျှပ်စစ်စွမ်းအင် ထုတ်လုပ်နိုင်စွမ်း တိုးမြှင့် လာတယ်။ ဒင်းနစ်ရှ် လေရဟတ် ထုတ်လုပ်ရေး ကုမ္ပဏီ ဗက်စတာက လွန်ခဲ့တဲ့ ၁၅ နှစ်က ထုတ်လုပ်တဲ့ တာဘိုင်ထက် အဆပေါင်း ၃၀ဝ ပိုမို ထုတ်လုပ်ပေးနိုင်တဲ့ တာဘိုင်ကို တည်ဆောက်ခဲ့တယ်။ ဒါပေမဲ့ လေရဟတ် နည်းပညာဟာ မော်တော်ယာဉ် တည်ဆောက်ရေး နည်းပညာထက် နှစ်ပေါင်း ၁၀ဝ နောက်ကျ ကျန်ရစ်နေ သေး ကြောင်း ပညာရှင်တွေက တင်ပြခဲ့တယ်။ ဒါကြောင့် လေရဟတ် တာဘိုင်တွေကို ပိုပြီး မြင့်မား လာတာကြောင့် လေကြောင်းကို တည်ငြိမ်စွာ အသုံးပြုနိုင်တဲ့ အပြင် ပိုပြီး လျင်မြန်စွာ ထုတ်လုပ်ပေးနိုင်တယ်။

လေရဟတ် ဒလက်ကြီးတွေ နေရာယူတဲ့ ဧရိယာလည်း ပိုပြီး ကျယ်ပြန့်လာတယ်။ ဂျာမန် ကုမ္ပဏီ အင်နာကွန်မှ တည်ဆောက်တဲ့ ကမ်းလွန် အခြေစိုက် လေရဟတ် ကြီးက ၇ .၅ မဂ္ဂါဝပ် ထုတ်ပေးနိုင်တာကြောင့် ဥရောပတိုက်ရဲ့ အကြီးမားဆုံး လေရဟတ် တာဘိုင်ကြီးဖြစ်ကြောင်း ဥရောပ လေစွမ်းအင် ထုတ်လုပ်ရေး အေဂျင်စီမှ ထုတ်ဖော် ကြေညာခဲ့တယ်။ ဒီလေရဟတ်ကြီးက ၁၃၅ မီတာ (သို့မဟုတ်) ၄၄၀ ပေမြင့်ပြီး လေရဟတ်ဒလက် ၃ လက်ကြီးက အချင်း ၁၂၇ မီတာ ကျယ်ပြန့်စွာ နေရာယူထားတယ်။ ဒီလေရဟတ်ကြီးရဲ့ အမြင့်က ၁၀၂ ထပ်ရှိ Empire State အဆောက်အဦကြီးရဲ့ ၃ ပုံ ၁ ပုံမျှ မြင့်မားတယ်။ အမေရိကန်မှာရှိတဲ့ အင်နာကွန် ကုမ္ပဏီထုတ် လေရဟတ် တာဘိုင် အငယ်စား တွေကတော့ ပျမ်းမျှ ၁ .၇၇ မဂ္ဂါဝပ် ထုတ်လုပ်ပေးတယ်။ သယ်ယူပို့ဆောင်ခနဲ့ တပ်ဆင် ခတွေကို လျှော့ချဖို့အတွက် ပိုပြီးကြီးမားတဲ့ လေရဟတ် တာဘိုင်တွေကို ဝယ်ယူလာကြတယ်။

ဒါပေမဲ့ ကုန်းတွင်းပိုင်းမှာ တည်ဆောက်တဲ့ လေရဟတ် တွေကိုတော့ ပိုပြီးကြီးမားတဲ့ လေရဟတ်တွေနဲ့ အစားထိုး နိုင်ခြင်း မရှိဘူး။ သယ်ယူပို့ဆောင်ရေး လုပ်ငန်းဆိုင်ရာ အခက်အခဲ တွေရှိတယ်။ မီတာ ၁၀ဝ (၃၂၈ ပေ) ဖြစ်တဲ့ လေရဟတ် တာဘိုင်ကို သင်္ဘော နဲ့သယ်ယူဖို့ မလွယ်ကူဘူး။ ထရပ်ကားတွေနဲ့ သယ်ဆောင် ရင်လည်း အခက် အခဲ တွေရှိတယ်။ တာဘိုင်တိုင်နဲ့ လေဒ လက်တွေကို အစိတ်အပိုင်း ခွဲခြားသယ်ဆောင်ပြီးပြန်လည် တပ်ဆင် မှပဲ အဆင်ပြေတယ်။ ကမ်းလွန် လေရဟတ်တာ ဘိုင်တည် ဆောက်ရေးကတော့ လမ်းနဲ့ တံတား အဟန့်အတား မှကင်းလွတ်တယ်။ ဒါကြောင့် ကုန်းတွင်းပိုင်း လေရဟတ်တာ ဘိုင်တွေထက် ဖွံ့ဖြိုးတိုးတက် မှုနှုန်း လျင်မြန်စွာ အသုံးပြု နိုင်တယ်။

မကြာမီက အချင်း ၁၆၄ မီတာ နေရာယူမယ့် လေ ဒလက် ၃ ခု တပ်ဆင်ထားပြီး ၇ မဂ္ဂါဝပ် ထုတ်လုပ်ပေးမယ့် ကမ်းလွန် လေရဟတ်တာဘိုင် ထုတ်လုပ်ရေး စီမံကိန်းကို ဗက်စတာက ထုတ်ဖော် ကြေညာခဲ့တယ်။ အချင်း ၁၂၀ မီတာကျော်နေရာ ယူမယ့် လေဒလက်တွေ တပ်ဆင်ထားပြီး ၂၀ မဂ္ဂါဝပ် ထုတ်လုပ်မယ့် လေရ ဟတ်တာဘိုင် ထုတ်လုပ်ရေးကို ဥရောပကော်မရှင်ရဲ့ ပံ့ပိုးမှုဖြင့် ပြင်ဆင်နေ ပြီလို့ဆိုတယ်။ ဒါပေမဲ့ လေရဟတ် တာဘိုင် အရွယ်ပမာဏ လေရဟတ်တာ ဘိုင်နည်းပညာတိုးတက်ဖွံ့ဖြိုးရေးအတွက် တစ်ခုတည်းသော နည်းလမ်း မဟုတ်ဘူး။ လေရဟတ် တာဘိုင် တည်ဆောက်ရေးဆိုင်ရာ သုတေသနလုပ် ငန်းနဲ့ တိုးတက်ဖွံ့ဖြိုးရေး လုပ်ငန်း တွေက လေရဟတ် တာဘိုင်ကို လေကြောင်းသင့်အောင် တည်ဆောက်ရေးနဲ့ လေတိုက်နှုန်းကို ထိန်းချုပ်စေစား နိုင်ရေးတို့အတွက် လေဒလက် တပ်ဆင်ရေးနည်းပညာကို အဆင့်မြင့်ဖန်တီး နိုင်စွမ်း မြင့်မားလာတယ်။

လေဆာ ရောင်ခြည် အသုံးပြု နည်းပညာဖြင့် လေရဟတ် တည်ဆောက်နိုင်စွမ်းကို မြှင့်တင်ခဲ့တယ်။ လေရဟတ် တာဘိုင်တည် ဆောက်ရေး သုတေသနလုပ်ငန်းနဲ့ တိုးတက်ဖွံ့ဖြိုးရေးလုပ်ငန်းတွေဟာ ခေတ်သစ် လေစွမ်းအင် ထုတ်လုပ်ရေး လုပ်ငန်းတွေ ကြီးထွားနေတဲ့ ဥရောပ တိုက်မှာ အထင်ကရ ဖြစ်ထွန်းလာတယ်။ လေရဟတ်တာဘိုင် တည်ဆောက် မယ့် နေရာရွေးချယ်မှုမှာ လေတိုက်နှုန်း ကောင်းမှုအပေါ်မှာပဲ အခြေခံခြင်း မပြုကြောင်းနဲ့ ကုန်ကျစရိတ် နည်းပါးအောင် တီထွင်ဆန်းသစ်ရေး အပေါ် မှာလည်း အလေးထားနေကြောင်း တွေ့ရှိရတယ်။ လေစွမ်းအားဆိုတာက လေရဟတ် တာဘိုင်တွေကို အသုံးပြုပြီး လေစွမ်းအင်မှ လျှပ်စစ်စွမ်းအင် အမြင်ပြောင်း လဲခြင်း နှင့် ပတ်သက်တယ်။ လေရဟတ်တာဘိုင်မှ ဒလက် ၃ ခုတပ်ဆင်ထားတယ်။ လေရဟတ်တိုင် ထိပ်မှ ဒလက် တွေဟာ လေအားကြောင့် လည်ပတ်ပြီး အလုပ်လုပ်ပေး တယ်။ လေရဟတ် တိုင်တွေရဲ့ပျှမ်းမျှအမြင့်ဟာ မီတာ ၂၀ ရှိတယ်။ လေ တိုက်နှုန်းက မြေမျက်နှာပြင်မှ မြင့်လေ တိုက်နှုန်းအား ကောင်းလေပဲ။ ဒါ ကြောင့် လေရဟတ် တိုင်တွေကို မြှင့်ထားကြတယ်။ လေထုသဘာဝ အပြောင်းအလဲကြောင့် လေတိုက်တာဖြစ်တယ်။

အပူချိန်နဲ့ ဖိအားအပြောင်း အလဲတွေကြောင့် ကမ္ဘာ့မျက်နှာပြင်တစ်လွှားမှ လေတွေရွေ့လျားနေတယ်။ နေမင်းကြီး ကလည်း ဒီအပြောင်းအလဲဖြစ်ပေါ်ရေးမှာ အဓိကကျတယ်။ လေစွမ်းအင်ဆိုတာ နေစွမ်းအင်ရဲ့ အလားတူ ပုံစံ တစ်မျိုးလို့ ဆိုနိုင်တယ်။ လေရဟတ်တာဘိုင်က လေကရယူပြီး ဒလက်တွေကိုလည်စေတယ်။ တာဘိုင် လှည့်ပတ် ခြင်းဟာ လျှပ်စစ်စွမ်းအင်ကိုပြောင်းလဲနိုင်တဲ့ အရွေ့စွမ်းအင်ပါပဲ။ Stator လို့ ခေါ်တဲ့ အထိုင်ဝိုင်ယာ ကြီးခွေကို ဖြတ်သန်းရွေ့လျားနေတဲ့ သံလိုက်တွေက လေစွမ်းအားကို လျှပ်စစ်အဖြစ် လှည့်ပြောင်းထုတ်လုပ်ပေး တယ်။ သံလိုက်တွေက Stator ကို ဖြတ်သွားတဲ့အခါမှာ AC လျှပ်စစ်ဓာတ်ကို ထုတ်လုပ်တယ်။ AC လျှပ်စစ် ဓာတ်ကို ဘက်ထရီထဲမှာ သိုလှောင်ထားနိုင် တဲ့ DC လျှပ်စစ်ဓာတ်အဖြစ် လှည့်ပြောင်းတယ်။ လေအားက အနာဂတ် အတွက် ရေရှည် အသုံးပြုနိုင်တဲ့ သဘာဝ ပတ်ဝန်းကျင် ထိခိုက်ခြင်းကင်းပြီး သန့်ရှင်းတဲ့ စွမ်းအင်အရင်း အမြစ်ဖြစ်တယ်။ လေရဟတ်တစ်ခု တည်ဆောက် ပြီး အိမ်ထောင်စု တစ်ခုအတွက် လျှပ်စစ်စွမ်းအင်ကို အသုံးပြု နိုင်တာကြောင့် ကာဗွန်ဒိုင်အောက်ဆိုက် (သို့မဟုတ်) ရေဒီယိုသတ္တြွိကအန္တရာယ် (သို့မဟုတ်) ဓာတုအဆိပ်အတော် ကင်းစင်တယ်။ လှေ၊ သင်္ဘောနဲ့ ယာဉ်အမျိုးမျိုးပေါ်မှာ လေရဟတ်တာဘိုင်တွေကို တပ်ဆင်ထားနိုင်တယ်။ လေရဟတ် တာဘိုင် တည်ဆောက်ရေးဟာ တည် ဆောက်မယ့်ဒေသရှိ လေတိုက်နှုန်း အပေါ် မှီတည်နေတယ်။ ပျမ်းမျှလေ တိုက်နှုန်းရှိတဲ့ နေရာကို ရွေးချယ်ဖို့ လိုအပ်တယ်။

Power Predictor ကိရိယာကို အသုံးပြုပြီး လေတိုက်နှုန်းကို ချိန်ဆသိရှိနိုင်တယ်။ လေတိုက် နှုန်းတိုင်းတဲ့ Power Predictor က လေရဟတ်တည်ဆောက်မယ့်ဒေသရဲ့ နေစွမ်းအားနဲ့ လေစွမ်းအားတို့ကို တွက်ချက် ထုတ်ဖော် ပေး တယ်။ ကုန်ကျစရိတ်နည်းနည်း ဖြင့် တိုင်းတာသိရှိနိုင်တယ်။ လေရဟတ်တစ်ခု တည်ဆောက်ဖို့အတွက် အဲဒီ ဒေသရဲ့ လေတိုက်နှုန်းဟာ ၁ စက္ကန့် ၅ မီတာ (သို့မဟုတ်) ၁ နာရီ ၁၈ ကီလို မီတာအထက်ရှိနေရမယ်။ အဆောက် အဦတွေ နဲ့ဝေးရာအရပ်မှာ တည် ဆောက်ရမယ်။ လေရဟတ် ပတ်ဝန်းကျင် မှာ အဆောက်အဦ တွေရှိနေရင် လေတိုက်နှုန်းလျော့နည်းမှာပဲ။ လေနဲ့နေစွမ်းအား ၂ မျိုးစလုံး ရောစပ်ထုတ် ယူတဲ့စနစ်တွေ ထွန်းကားလာတယ်။ လေရဟတ် တာဘိုင်တည်ဆောက် ရေးဟာ ပျမ်းမျှလေတိုက်နှုန်းကို ရေရှည်ရရှိအောင် အရင်းအနှီးကြီးမားစွာ စိုက်ထုတ် တည်ဆောက်ရတဲ့ လုပ်ငန်းဖြစ်တယ်။ လက်တွေ့မှာတော့ လေစွမ်းအားက နေစွမ်းအား ထက်ပိုပြီး လိုအပ်တဲ့ စွမ်းအင်ကို ပိုမိုများပြားစွာ ဖန်တီးပေးနိုင်ကြောင်း တွေ့ရှိရတယ်။ မြန်မာ နိုင်ငံမှာတော့ လေရဟတ် အသုံးပြုမှု နည်းသေးတယ်လို့ ဆိုနိုင်တယ်။ လေရဟတ် အသုံးပြုနိုင်တဲ့ သဘာဝ အရင်းအမြစ်တွေ ကြွယ်ဝတာ တော့ အမှန်ပဲ။ တရုတ်နိုင်ငံမှာတော့ အမေရိကန် ကုမ္ပဏီတစ်ခုက တည်ဆောက်တဲ့ လေရဟတ် တာဘိုင်တွေ ထွက်ပေါ် လာနေပြီလို့ဆိုတယ်။

အမေရိကန် နိုင်ငံရှိ တက္ကဆက် ပြည်နယ်ကဲ့သို့သော ဒေသတွေမှာ တည်ဆောက်ထားတဲ့ လေရဟတ် တာဘိုင် တွေဟာ ဆိုးရွာတဲ့ ရာသီဥတု အမျိုးမျိုးကြားမှာ လျှပ်စစ် စွမ်းအင်တွေ ထုတ်လုပ်ပေးနေတယ်။ ယခင် လေရဟတ် တွေမှာ အဓိကတွေ့ရ တဲ့ ပြဿနာကတော့ လျှပ်စစ်ထုတ် ဂျင်နရေတာကို လည်ပတ်စေအောင် လေအားလှည့် ပတ် မှုနှုန်းကို မြှင့်တင်ပေးတဲ့ ဂီယာဘောက်စ် (Gearbox) တပ် ဆင်ထားခြင်းပဲ။ ဆိုင်းမဲန်စ်နဲ့ ဂျင်နရယ် လျှပ်စစ် ကဲ့သို့သော ကုမ္ပဏီတွေက ဂီ ယာဘောက်စ်နေရာမှာ တိုက်ရိုက် မောင်းနှင်ရေးနည်းပညာကို အစား ထိုးအသုံးပြု ကြတယ်။ ဗက်စတာ ရဲ့ ဂီယာဘောက်စ် တွေကတော့ အဆင်ပြေတာကြောင့် နည်းပညာ သစ်ကိုအစားထိုး သုံးခြင်းမရှိဘူး။ အနာဂတ်ရဲ့ လေရဟတ်တာ ဘိုင်တွေရဲ့ဒလက်တွေပေါ်မှာ တောင်ပံ ပြားလေးတွေ တပ်ဆင် လာဖွယ် ရှိတယ်။ အမေရိကန်ကုမ္ပဏီဖြစ်တဲ့ Clipper Windpower က ကရိန်း (သို့ မဟုတ်) ဝန်ချီစက် အသုံးပြု စရာမ လိုဘဲ လေရဟတ်တာဘိုင် တည်ဆောက်နိုင်တဲ့ နည်းလမ်းကို တီထွင် ခဲ့တယ်။ ဂီယာဘောက်စ်ထဲမှာ ချောဆီ စတဲ့ ဓာတ်ပစ္စည်းတွေကို စစ်ဆေးသိရှိစေမယ့် အာရုံခံကိရိ ယာတွေကိုလည်း တိုးမြှင့်တပ်ဆင် လာကြ တယ်။ အနာဂတ် ကာလ မှာ ဈေးအပေါဆုံး လေကို အသုံးပြုပြီး လျှပ်စစ် စွမ်းအင် ထုတ်ပေးတဲ့ လေရဟတ် တာဘိုင်တွေ ကမ္ဘာ အနှံ့မှာ ထွန်းကားလာမှာ မလွဲပေဘူး။

--

ဖိုးခိုင်http://www.bsphoekhaing.blogspot.com/

အမေရိကန် နှစ်100 အတွင်း မကြုံစဖူး ငလျင်လှုပ်

အမေရိကန်နိုင်ငံ အရှေ့ဘက်

ပိုင်းတွင် သြဂုတ် ၂၃ ရက်နေ့က ရာစုနှစ်တစ်ခု အတွင်း အပြင်းထန်ဆုံး ငလျင်လှုပ်မှု ဖြစ်ပေါ်ခဲ့ပြီး ၀ါရှင်တန် အထိမ်းအမှတ် မော်ကွန်းတိုင် အက်ကွဲခဲ့သည်။ ငလျင်လှုပ်မှုကြောင့် နယူးယောက်ရှိ မိုးမျှော် အဆောက်အအုံများမှ အလုပ်သမား ထောင်ပေါင်းများစွာ ရွှေ့ပြောင်း ထွက်ပြေးခဲ့သည်။ အရှေ့ဘက် ကမ်းရိုးတန်းတွင် ငလျင် ကြီးကြီးမားမား လှုပ်မှုမှာ ကြုံတောင့်ကြုံခဲ ဖြစ်ပွားမှု ဖြစ်သည်။ ငလျင်လှုပ်ပြီးနောက် လူအများ ပြေးလွှားသွားလာမှုများသည် အယ်လ်ကေးဒါးများ တိုက်ခိုက်ခဲ့သည့် ဆယ်နှစ် ပြည့်တော့မည် ၉/၁၁ ဖြစ်စဉ်ကို ပြန်လည် ခံစားမှုများ ဖြစ်စေခဲ့သည်။ ''၀ါရှင်တန် အထိမ်းအမှတ် မော်ကွန်းကျောက်တိုင်ရဲ့ထိပ်မှာ အက်ကွဲမှု ဖြစ်ခဲ့တယ်''ဟု အမျိုးသားပန်းခြံ လုပ်ငန်းမှ ပြောရေးဆိုခွင့်ရှိသူ တစ်ဦး Bill Line က ၀ါရှင်တန်ပို့စ်သို့ ပြောကြားခဲ့သည်။ မျက်နှာလေးဖက်ရှိ ထိပ်ချွန် မော်ကွန်းကျောက်တိုင်ကို အတိအကျ မသတ်မှတ်ရသေးသည့် အချိန်ကာလတစ်ခု အထိ ပိတ်ထားရမည် ဖြစ်ကြောင်း ၎င်းကပြောကြားခဲ့သည်။ အလုပ်သမား ထောင်ပေါင်းများစွာသည် ရုံးအဆောက်အအုံများမှ ထွက်ပြေးခဲ့ပြီး Manhattan ရှိ လမ်းများအတွင်း လူများပြည့်နှက်မှုများ ဖြစ်ခဲ့သည်။ ပြင်းအား ၅ ဒသမ ၈ ရှိ ငလျင်လှုပ်မှုမှာ အချိန် စက္ကန့် ၂၀ မှ ၃၀ အတွင်းသာ ရှိခဲ့ပြီး ဗာဂျင်နီးယားမြို့အောက်ဘက် ၃ ဒသမ ၇ ကီလိုအကွာကို ဗဟိုပြုပြီး လှုပ်ခဲ့ခြင်း ဖြစ်သည်။ ဘော့စ်တန်နှင့် ကနေဒါ အရှေ့ပိုင်း ဒေသများတွင်လည်း ငလျင်ဒဏ် ခံစားခဲ့ရသည်။ပင်တာဂွန်၊ US Capitol နှင့် ၀ါရှင်တန်၏ အထိမ်းအမှတ် မော်ကွန်း ကျောက်တိုင်များမှာ ဘေးကင်းခဲ့သည်။ ငလျင်လှုပ်ချိန်တွင် သမ္မတ အိုဘားမားသည် မန်ဆာချူးဆက် ကမ်းခြေနှင့် မိုင် ၅၀၀ ကျော် အကွာတွင် ဂေါက်ရိုက်နေသောကြောင့် ငလျင်လှုပ်မှုကို မကြုံတွေ့ခဲ့ကြောင်း သိရှိရသည်။ ငလျင်ဗဟိုချက်မသည် ဗာဂျီးနီးယား၊ Richmond မှ ၃၈ မိုင်နှင့် ၀ါရှင်တန်မှ ၈၄ မိုင် အကွာတွင် ရှိကြောင်း အမေရိကန် ဘူမိဗေဒ လေ့လာရေးအဖွဲ့က ထုတ်ပြန်ခဲ့သည်။ ယခု ငလျင်သည် ၁၈၉၇ ခုနှစ်ပြီးနောက် ဗာဂျီးနီးယားပြည်နယ်တွင် အင်အား အကြီးဆုံး ငလျင် ဖြစ်သည်။

--

ဖိုးခိုင်http://www.bsphoekhaing.blogspot.com/

ပရိသတ်၏ ပြင်းထန်စွာ ဝေဖန်ခြင်း ခံရသည့် ရော်နယ်ဒို

(၃-၈-၂၀၁၁) နေ့က ကမ္ဘာ့ ဒုတိယ အင်အား အကြီးဆုံး တရုတ် နိုင်ငံသို့ ဘောလုံး အကယ်ဒမီ ဖွင့်လို သော ရည်မှန်းချက်ဖြင့် တရုတ်ပြည်ရောက်နေ သော စပိန်ကလပ်အသင်းသည် ဆွေးနွေး ပွဲကြီးမစမှီ အကြို ဆွေးနွေးအင်တာဗျူးပွဲ တွင် ဘောလုံး စူပါစတား ရော်နယ်ဒို၏ ဖြေကြားပုံ၊ ဟန်အမူအယာတို့ အချိုးမကျ သဖြင့်၎င်းအားတရုတ် အားကစားဝါသနာ ရှင်များက ပယ်ပယ် နှယ်နှယ် ဝေဖန် လိုက်ကြောင်း သတင်းစာတွင် ဖော်ပြလိုက်သည်။

စပိန်ကလပ်အသင်းနှင့် စူပါလိဒ် လီဒါဂွန်ဇီဟိုအဖွဲ့တို့သည်၊ တရုတ်နိုင်ငံ တွင် ဘောလုံး အကယ်ဒမီဖွင့်ရေး ဆွေးနွေးကြမည်ဖြစ်သည်။ စပိန်က ဦးဆောင်ပြီး ဘောလုံးကန် နည်းပညာများ သင်ကြားပို့ချမည်ဖြစ်ပြီး တရုတ်လူငယ် (၁၀ဝ၀ဝ)ကျော် တက်ရောက်သင်ကြား မည်ဟု မျှော်မှန်းထားသည်။ ထိုအဓိက ဆွေးနွေးပွဲ မစမှီ အကြိုရက်တွင် စပိန် အသင်းမှ ခရစ်စတီနို ရော်နယ်ဒို (ရီးရဲ မက်ဒရစ် ဘောလုံးစူပါစတား) နှင့် တရုတ် မီဒီယာ၊ဂျာနယ်လစ် စသည့်တို့ အပြန် အလှန် စိတ်ဝင်စားဗျူးကြသည်။

ထိုပွဲတွင် ရော်နယ်ဒိုသည် မေးခွန်းများ ဗလုံးပထွေး ဖြေကြားခြင်း၊ တစ်ဖက်သား၏မေးခွန်းကို တိုတိုတုပ်တုပ်စိတ်မဝင်စားသလို ဖြေကြား ခြင်း၊ မျက်နှာဟန် အမူအရာ(ပုံရှု)ထားပုံ မှာလည်း ကိုယ့်ကို ကိုယ်အထင်ကြီးလွန်း ပြီး၊မာနခဲပုံပေါက်နေသည်။ ထိုပွဲအပြီးတွင် တရုတ်ပြည်အဝှမ်းမှ အီးမေး ဖြင့်လည်း ကောင်း အင်တာနက်မှလည်းကောင်း ဂျာနယ် စာစောင် များမှ လည်းကောင်း ရော်နယ်ဒိုကို မာနကြီးသောသူ လေးစား ထိုက်သူမဟုတ်၊ စသည်ဖြင့် ပျစ်ပျစ်နှစ်နှစ် ဝေဖန်ခဲ့ကြသည်။ ပြီးခဲ့သည် နှစ်ကမှ သားဦးကလေး ရလာသော ရော်နယ်ဒို သည်။ ဤကဲ့သို့ ဝေဖန်ခံရမှုကြောင့် ရော်နယ်ဒိုကို မော်ဒယ် အဖြစ်သုံးကာ အရောင်းမြှင့်တင် ထားသော နိတ်ခ် အားကစားကုမ္ပဏီ၏ တရုတ်ပြည် အရောင်း ဈေးကွက်သည် ကျဆင်းသွားမည်ဟု သတင်းက ဆိုသည်။

--

ဖိုးခိုင်http://www.bsphoekhaing.blogspot.com/

ချဲလ်ဆီး အသင်းသို့ ဟွမ်မာတာ ရောက်ရှိ လာတော့ မည်

 

"ဗလန်စီယာ တောင်ပံ ကစားသမား ဟွမ်မာတာ သည် ချဲလ်ဆီး သို့ပြောင်း ရွှေ့ကြေး ယူရို(၂၇) သန်းဖြင့် ရောက်ရှိမှုမှာ ရက်ပိုင်း အတွင်းအပြီး သတ်နိုင်တော့ မည်ဖြစ် ကြောင်း သိရသည်။ မာတာ သည် ချဲလ်ဆီး အသင်း နည်းပြ ဘိုအာစ်နှင့် တွေ့ဆုံ ဆွေးနွေး ခဲ့ပြီး အဆိုပါပေါ် တူဂီလူမျိုးက မာတာအား ကွင်းလယ် တိုက်စစ်ကစား သမား အဖြစ် မည်ကဲ့သို့ နည်းဗျူ ဟာများ ချမှတ်ထား သည်ကို ပြန်လည် ရှင်းပြ ခဲ့ကြောင်း သိရှိရ သည်။

စပိန်သတင်းများ၏ ရေးသား ဖော်ပြ ချက်အရ ဗလန်စီယာမှ မာတာထွက်ခွာမှုမှာ ဖြစ်လုနီးပါး ရှိနေပြီဟု သိရသည်။ "မာတာဟာ ရက်ပိုင်းအတွင်း ချဲလ်ဆီး အတွက်ကစားပေး နိုင်တော့မှာပါ" ဟု AS သတင်းစာက ရေးသား ဖော်ပြခဲ့သည်။ ထို့အပြင်မာတာ သတင်းစာကလည်း "ဗလန်စီယာကနေ မာတာထွက်ခွာမှုဟာ ဖြစ်အံ့ဆဲဆဲရှိနေပါပြီ။ ဗလန်စီယာ အသင်းအနေနဲ့ မာတာကို လက်လွှတ်ရမှု အတွက် ချဲလ်ဆီးအသင်းကနေ ယူရို(၂၇)သန်းနဲ့(၂၈)သန်းကြားရရှိမှာပါ" ဟု အခိုင်အမာ ရေးသားခဲ့  သည်။ မာတာသည် ယခုနှစ်နွေရာသီ အပြောင်းအရွှေ့ ကာလအတွင်း အသင်းပြောင်းရွှေ့ရန် သတင်းများ ကျယ်ပြန့်စွာ ထွက်ပေါ် ခဲ့သော်လည်း အစောပိုင်းက အာဆင်နယ်နှင့် တော့တင်ဟမ်   အသင်းများ ထံသို့ သာရောက်ရှိနိုင် သည်ဟု သုံးသပ်မှုများ ရှိခဲ့သည်။

သို့ရာတွင် ကွင်းလယ် တိုက်စစ်ပိုင်းကို ပြင်ဆင်ရန် ကြိုးစားလျက်ရှိသော ဘိုအာစ်က လန်ဒန်မြို့ခံ အသင်းများထက် လက်ဦးမှုရယူကာ မာတာကိုခေါ်ယူနိုင် တော့မည်ဖြစ်ကြောင်း သိရသည်။ အသက်(၂၃)နှစ် အရွယ်ရှိ မာတာသည် အင်္ဂလိပ် စကားကိုကျွမ်းကျင်စွာ ပြောဆိုရေးသား တတ်သူ တစ်ဦးဖြစ်ပြီး ပရီးမီးယား လိဂ်၌အလျင်အမြန် အထိုင်ကျ လိမ့်မည်ဟု ပရီးမီးယားလိဂ် ကျွမ်းကျင် သူများက သုံးသပ် လျက်ရှိသည်။ အခြားသတင်း တစ်ရပ်အနေဖြင့် ချဲလ်ဆီး အသင်းနည်းပြ ဘိုအာစ်က ဖခင်ဖြစ်သူမီ ချယ်ဂျွန်အိုဘီပြန်ပေး ဆွဲခံထားရ သော်လည်း အသင်း အတွက် အင်ပြည့် အားပြည့်ပါဝင် ကစားသွား ခဲ့သော ကွင်းလယ် လူဂျွန်အိုဘီမီခေးလ်၏ စိတ်ဓာတ်ကို ချီးကျူး လိုက်သည်။

မီခေးလ်၏ ဖခင်ဖြစ်သူ မီချယ်အား ပြန်ပေး ဆွဲထားသော နိုင်ဂျီးရီးယား အကြမ်းဖက် သမားများက ပြန်ပေးငွေ ပေါင်(၈၀,ဝ၀ဝ) တောင်းဆို ထားသော်လည်း မိခင်ဖြစ်သူ အီရိုဆူးအိုဘီက ယခုအချိန် အထိ မီချယ်၏ ပြန်ပေး ဆွဲမှုနှင့် ပတ်သက်၍ သတင်းအချက် အလက်များ ကြားသိရခြင်း မရှိသေး ဟု ပြောကြားခဲ့သည်။ မီချယ်သည် ပြီးခဲ့သည့် ရက်သတ္တ ပတ်က နိုင်ဂျီးရီးယား နိုင်ငံ ဗဟိုရှိ ပလာတေးပြည်နယ်မြို့တော် ဂျို့စ်မြို့မှ အလုပ်လုပ်ပြီး နေအိမ်သို့ပြန်လာစဉ် ပျောက်ဆုံး သွားခဲ့ခြင်း ဖြစ်သော်လည်း မီခေးလ်ကမူ စတုတ်စီးတီးနှင့် ဂိုးမရှိ သရေကျခဲ့ သော ပရီးမီးယားလိဂ် အဖွင့်ပွဲစဉ်တွင် ချဲလ်ဆီး အသင်း အတွက် ပွဲချိန်ပြည့် ပါဝင် ကစား သွားခဲ့သည်။

ဖိုးခိုင်http://www.bsphoekhaing.blogspot.com/

Apple ကထုတ်တဲ့ iPhone ကို Samsung က ဘယ်လောက် လုပ်ပေးသလဲ

iPhone ကို အမေရိကန် Apple ကုမ္ပဏီတစ်ခုထဲက ထုတ်လုပ်တာ မဟုတ်။ Apple ကုမ္ပဏီက ဖုန်းထဲပါဝင်တဲ့ ပစ္စည်းအမယ်တွေ အတွက် ထုတ်လုပ်မှုလည်း မလုပ်သလို၊ အချောထည် ဖြစ်တဲ့အထိ တပ်ဆင်တာလည်း မလုပ်။
iPhone ဖုန်းထဲမှာ ပါဝင်တဲ့ အစိတ်အပိုင်းအများစုက နေရာပေါင်းစုံမှ လာတာဖြစ်ပြီး၊ ဖုန်းဖြစ်အောင် တိုင်ဝမ် Foxconn ကုမ္ပဏီက တပ်ဆင်ပေးသည်။ Foxconn က သူ့စက်ရုံကို တရုတ် စီချွမ်ပြည်နယ်မှာ ထားသည်။
ဈေးကွက်သုတေသနလုပ်တဲ့ iSuppli လုပ်ငန်းက၊ အေက်ပါပုံအတိုင်း iPhone ကို တစ်စစီ ဆွဲထုတ် ဖော်ပြထားသည်။ iPhone ဖုန်းကို ဘယ်သူတွေလုပ်သလဲ၊ ပါဝင်တဲ့ အစိတ်ပိုင်းအသီးသီးရဲ့ ဈေးနှုန်းတွေ ဘယ်လောက်ရှိသလဲ ဆိုတာကအစ အသေးစိပ် ဖော်ပြထားသည်။

ကိုရီးယား Samsung ကုမ္ပဏီက iPhone အတွက်အရေးကြီးတဲ့ အစိတ်အပိုင်းများ ပေးသွင်းသူ ဖြစ်သည်။ ဖုန်းတစ်ခုလုံး လည်ပတ်ဖို့ လိုအပ်တဲ့ processor, working memory or DRAM, music and operating software တို့ကို Samsung က ထုတ်လုပ်ပေးသည်။ iPhone တစ်ခုလုံးမှာ ပါဝင်တဲ့ ၂၆ ရာခိုင်နှုန်းကို Samsung ကုမ္ပဏီက ထုတ်လုပ်ပေးသည်။

Samsung ရဲ့ လုပ်ဆောင်မှုကလည်း ထူးခြားသည်။ ကိုယ်တိုင်က စမတ်ဖုန်းတွေ၊ တက်ဘလက် ကွန်ပျူတာတွေ ထုတ်လုပ်ရောင်းချနေရင်း၊ ပြိုင်ဘက် Apple ကုမ္ပဏီကြီးကို ဖုန်းရဲ့အစိတ်အပိုင်းများ ပံ့ပိုးပေးနေခြင်း ဖြစ်သည်။ Apple က Samsung ရဲ့ အကြီးမားဆုံး ဖောက်သည်ဖြစ်သလို၊ Samsung က Apple အတွက် အဓိက ဖုန်းအတွင်းပစ္စည်းများ ပံ့ပိုးပေးနေသူ ဖြစ်သည်။
စိတ်ဝင်စားစရာက Samsung ရဲ့ စီးပွားရေး လုပ်နည်း မော်ဒယ်ပုံစံ ဖြစ်သည်။ အခြားသူအတွက် အရည်အသွေးမှီ အစိတ်အပိုင်းများ ပံ့ပိုးဖို့ ထုတ်လုပ်ပေးပြီး၊ ကိုယ့်ကုမ္ပဏီကတော့ ဈေးချိုတဲ့ ထုတ်ကုန်များ ထုတ်လုပ်ရောင်းချခြင်း ဖြစ်သည်။
Apple ကုမ္ပဏီကတော့ အခြားကုမ္ပဏီတွေက သူ့ဖုန်းရဲ့ အတွင်းအစိတ်အပိုင်းတွေ ထုတ်လုပ် တပ်ဆင်ပါစေ ဆိုပြီး လွှတ်ထားသည်။ သေသပ်လှပတဲ့ ဒီဇိုင်း၊ hardward နဲ့ software အလွယ်တကူ ပေါင်းစပ် အသုံးချမှု၊ ၀န်ဆောင်မှု လုပ်ငန်းတွေကိုသာ ကိုင်ထားသည်။

ဂရပ်ပုံရဲ့ ဒုတိယပိုင်းမှာ ထုတ်လုပ်မှုစရိတ်ထက် မတန်တဆ ကျော်လွန်ပြီး၊ ဈေးကွက်ထဲ ဒေါ်လာ ၅၆၀ နဲ့ ရောင်းချတဲ့ iPone ကို စိတ်ဖြာပြထားသည်။ သို့သော် သုတေသနပြုခ၊ သယ်ယူပို့ဆောင်ခ၊ ထုတ်ဖိုးခများကိုတော့ ဘေးဖယ်ထားသည်။
ဂရပ်ပုံရဲ့ တတိယပိုင်းမှာ ကမ္ဘာ့ စမတ်ဖုန်း ဈေးကွက်ထဲမှ ကုမ္ပဏီများရဲ့ အချိုးအစားကို ဖော်ပြထားသည်။ Apple က ဈေးကွက် ပထမနေရာမှာ ဗိုလ်စွဲပြီး၊ Samsung က ဒုတိယနေရာ လိုက်သည်။
အချုပ်အားဖြင့် Apple ကုမ္ပဏီက iPhone ကို ကိုယ်တိုင် မလုပ်သော်လည်း၊ ၄င်းဖုန်းမှ အမြတ်ငွေ ဒေါ်လာ သန်းပေါင်းများစွာ ရရှိလျက် ရှိပါကြောင်း။

Source: iSuppli & Apple

--

ဖိုးခိုင်http://www.bsphoekhaing.blogspot.com/