အဆင့်ရှိသည့် အားပေးမှုမျိုး တွေ့မြင်ရ၍ အသင်း ပရိသတ်များအား ချင်း ယူနိုက်တက် ပိုင်ရှင် ချီးကျူး

Share | ချင်း ယူနိုက်တက် အသင်း၏ အသင်းပိုင်ရှင် ဖြစ်သူ ဒေါက်တာ ဂျိမ်းလျန်ဆိုင်းက ယနေ့ ညနေပိုင်း ကမ္ဘောဇ အသင်းနှင့် ပွဲစဉ်တွင် တခဲနက် လာရောက် အားပေးခဲ့သည့် အားပေးသူ ပရိသတ်များ၏ အဆင့်အတန်း မြင့်မားသည့် အားပေးပုံမျိုး တွေ့မြင်ခဲ့ရသည် အပေါ် ကျေနပ်နေကြောင်း သိရသည်။ ချင်း ယူနိုက်တက် အသင်းသည် အဖွင့်ပွဲစဉ်တွင် ကမ္ဘောဇအား ၂-၀ဖြင့် ရှုံးနိမ့်ခဲ့ သော်လည်း ပရိသတ်များမှာ စိတ်ပျက်ခြင်း မရှိဘဲ အသင်းကို တခဲနက် အားပေးခဲ့ကြသည်။ ထို့အပြင် ပွဲချိန် တစ်လျှောက်လုံး ဆဲဆိုခြင်း မရှိဘဲ မိမိတို့ အသင်း အမည်ကိုသာ အော်ဟစ် အားပေးခဲ့သည့် အတွက် အသင်း ပိုင်ရှင် ဒေါက်တာ ဂျိမ်းက ယခုကဲ့သို့ ပြောကြားခဲ့ခြင်း ဖြစ်သည်။ "ဒီနေ့ ကျွန်တော်တို့ အသင်း ပရိသတ် တွေရဲ့ အားပေးပုံကို ကျေနပ်မိပါတယ်။ ကျွန်တော်တို့ လူမျိုးတွေရဲ့ အဆင့်အတန်း ကိုလည်း ပြနိုင်ခဲ့တယ်" ဟု ဆိုခဲ့သည်။ ယခုပွဲတွင် ချင်းယူနိုက်တက် ပရိသတ်များသည် ပဒုမ္မာကွင်း၏ အထူးတန်း ပွဲကြည့်စင် တစ်ခြမ်းနှင့် ရိုးရိုးတန်း ပွဲကြည့်စင် တစ်ခု ပြည့်လုနီးပါး အထိ လာရောက် အားပေးခဲ့ကြပြီး ခန့်မှန်း လူဦးရေ (၆၀၀)နှင့် အထက်တွင် ရှိကြောင်း သိရသည်။ ချင်း ယူနိုက်တက် အသင်းပိုင်ရှင် ဒေါက်တာ ဂျိမ်းလျန်ဆိုင်း

--

 ဓါတ်ပုံမမြင်ရရင်ဘလော့မှာကြည့်ပါ...

ဖိုးခိုင်www.bsphoekhaing.blogspot.com

ရွန်နီ အသင်းမှ ထွက်ခွာမည် ဆိုသော သတင်းများကို မန်ယူငြင်းဆို

 |

ဝိန်းရွန်နီ အသင်းမှ ထွက်ခွာမည် ဆိုသော သတင်းများနှင့် ပတ်သက်ပြီး မန်ချက်စတာ ယူနိုက်တက်က ငြင်းဆိုလိုက်သည်။

အိုးလ်ထရက်ဖို့ဒ် အခြေစိုက် အင်္ဂလန် ပရီးမီးယားလိဂ် ချန်ပီယံ အသင်းက ရွန်နီ အသင်းမှ ထွက်တော့မည် ဆိုသော သတင်းများသည် အခြေအမြစ် မရှိသော ကောလာဟလ များသာ ဖြစ်ကြောင်း ဖြေရှင်းချက် ထုတ်ခဲ့သည်။ ထို့အတူ ရွန်နီ၏ အေးဂျင့် ပေါလ်စထရက်ဖို့ဒ် ကလည်း မိမိ၏ ကစားသမားသည် မန်ယူကို ကျောခိုင်းစရာ အကြောင်း မရှိဟု ပြောကြားသွားသည်။ အသက်(၂၆)နှစ်ရှိ အင်္ဂလန် လက်ရွေးစင်သည် Boxing Day က ညဘက် အပြင် ထွက်လည်မှုကြောင့် မန်ယူ မန်နေဂျာ ဆာအဲလက်စ် ဖာဂူဆန်၏ ဒေါသထွက်မှုကို ခံနေရကြောင်း သတင်းများက ဖော်ပြ ခဲ့ပြီးနောက် ရွန်နီ မန်ယူကို စွန့်ခွာတော့မည် ဟူသော ခန့်မှန်းချက်များ ပေါ်ပေါက်လာခြင်း ဖြစ်သည်။

မန်ယူအသင်း တာဝန်ရှိသူ တစ်ဦးက "Boxing Day က ကိစ္စကို ကျွန်တော်တို့ အေးအေးဆေးဆေး ဖြေရှင်း ပြီးပါပြီ။ ဒါနဲ့ ပတ်သက်ပြီး အားလုံး အဆင်ပြေ ပါတယ်။ ရွန်နီဟာ မန်ယူကြား ဘာသဘောထား ကွဲလွဲမှုမှ မရှိပါဘူး။ သူအသင်းက ထွက်တော့မယ် ဆိုတဲ့ သတင်း အားလုံးဟာ အခြေအမြစ် မရှိတဲ့ ကိစ္စတွေပါပဲ" ဟု ပြောကြားသွားသည်။ ရွန်နီသည် နယူးကာဆယ်လ် ယူနိုက်တက်အား အဝေးကွင်းတွင် ရှုံးနိမ့်သော ပွဲစဉ်အတွင်း မန်ယူအတွက် ပါဝင် ကစားပေး ခဲ့သေးသည်။ ၎င်းသည် ယမန်နှစ် ဘောလုံးရာသီ ကလည်း ဖာဂူဆန်နှင့် ပြဿနာ တက်ပြီး မန်ယူကို စွန့်ခွာ တော့မည်ဟု သတင်းများ ထွက်ပေါ် ခဲ့သေးသည်။

--

 ဓါတ်ပုံမမြင်ရရင်ဘလော့မှာကြည့်ပါ...

ဖိုးခိုင်www.bsphoekhaing.blogspot.com