အစိုးရတပ်နှင့် KIA တို့ တိုက်ပွဲများ ဖြစ်ဆဲ

အစိုးရတပ်နှင့် KIA တို့ တိုက်ပွဲများ ဖြစ်ဆဲ ရန်ပိုင် Monday, 20 June 2011 17:44 ကချင်ပြည်နယ်အတွင်း အစိုးရတပ်များနှင့် ကချင်လွတ်လပ်ရေး တပ်မတော် (KIA) တို့ ထိတွေ့ရင်ဆိုင်ထားသည့် နယ်မြေများတွင် တိုက်ပွဲငယ်များ ဆက်လက်ဖြစ်ပွားနေဆဲ ဖြစ်ကြောင်း KIA က ပြောသည်။ လိုင်ဇာရှိ ကချင်လွတ်လပ်ရေး တပ်မတော် (KIA) ဌာနချုပ်တွင် ၂၀၀၉ ခုနှစ် စစ်ရေးပြအခမ်းအနား၌ တွေ့ရသော KIA စစ်သမီးများ (ဓာတ်ပုံ - Kachin News Group) KIA တပ်များက မြစ်ကြီးနား-ဗန်းမော် ကားလမ်းပေါ်ရှိ နန်ဆန်ယန် ကျေးရွာ အခြေစိုက် စစ်ဘက်ဆိုင်ရာ လုံခြုံရေး (စရဖ) ရုံးကို ယမန်နေ့နံနက်က ဗုံးခွဲတိုက်ခိုက်ခဲ့ကြောင်း၊ သို့သော်လည်း အသေအပျောက်မရှိကြောင်း KIA တွဲဖက် အတွင်းရေးမှူး ဦးလနန်က ပြောသည်။ "ဗုံးခွဲတယ်ဆိုတာ လူထုကို ထိခိုက်ဖို့ လုပ်တာမဟုတ်ပါဘူး။ အစိုးရ စစ်ရေးမဟာဗျူဟာကို ကြိုပြီး ဟန့်တားတာပါ" ဟု ၎င်းက ဆိုသည်။ ဇွန်လ ၁၈ ရက်နေ့ကလည်း KIA တပ်မဟာ ၅ ထိန်းချုပ်ရာ မိုးညှင်းမြို့နယ်အတွင်းရှိ ဆင်ဘိုစခန်းတွင် တပ်စွဲထားသည့် ခလရ ၁၄၁ နှင့် ခလရ ၁၄၂ တို့နှင့် တိုက်ခိုက်မှုများ ဖြစ်ပွားကြောင်း၊ အစိုးရတပ်ဘက်မှ တပ်သား ၅ ဦးကျဆုံးကြောင်း ဦးလနန်က ဆက်လက် ပြောသည်။ ထိုအစိုးရတပ် အကျအဆုံး သတင်းနှင့် ပတ်သက်၍ ဧရာဝတီမှ သီးခြား အတည်ပြုချက် ရယူနိုင်ခြင်း မရှိသေးပေ။ ပြီးခဲ့သည့် ဇွန်လ ၉ ရက်နေ့ တရုတ်-မြန်မာနယ်စပ် မိုးမောက်ဒေသရှိ တာပိန်ရေကာတာ အနီး ဘွန်ဆွမ်တောင်ကုန်းတွင် တပ်စွဲထားသည့် KIA တပ်များကို အစိုးရတပ်က ဖယ်ရှားရန် ကြိုးစားရာမှ တိုက်ပွဲ စတင်ဖြစ်ပွားခြင်းဖြစ်သည်။ KIA အနေဖြင့် ဘွမ်ဆွမ်တောင်ကုန်းအနီးရှိ စခန်းတချို့မှ ရုပ်သိမ်းပေးခဲ့ရသော်လည်း စစ်ရေးအရ အရေးပါသည့် ဘွမ်ဆွမ်တောင်ကုန်းကို သိမ်းပိုက်ထားဆဲဖြစ်ကြောင်း၊ အစိုးရနှင့် ရင်ဆိုင်ထိတွေ့ထားသည့် နေရာများတွင် နှစ်ဖက်စလုံး တင်းမာမှုများ၊ စစ်အင်အား ဖြည့်တင်းမှုများရှိကြောင်း ဦးလနန်က ဆက်လက်ပြောသည်။ ယခုဖြစ်ပွားခဲ့သည့် တင်းမာမှုများနှင့်ပတ်သက်၍ KIA က တရုတ်နိုင်ငံကို ကြားဝင်ညှိနှိုင်း ဆောင်ရွက်ပေးရန် တောင်းဆိုခဲ့ပြီး အစိုးရကလည်း အပစ်အခတ်ရပ်စဲရန် ကချင်အတိုင်ပင်ခံကောင်စီကို စေလွှတ်ခဲ့သည်။ ဇွန်လ ၁၈ ရက်နေ့ထုတ် အစိုးရသတင်းစာများတွင် KIA အဖွဲ့သည် ကချင်ပြည်နယ် အတွင်းရှိ ဒေသဖွံဖြိုးရေး လုပ်ငန်းများကို ဟန့်တားနှောက်ယှက်ခြင်း၊ ရေအားလျှပ်စစ် စီမံကိန်းလုပ်ကိုင်နေသည့် တရုတ် ၀န်ထမ်းများကို ခြိမ်းခြောက်ခြင်း၊ ဗန်းမော်ခရိုင်သို့ သွယ်တန်းထားသည့် လျှပ်စစ်တာဝါတိုင်ကို မိုင်းထောင်ဖောက်ခွဲခြင်း၊ လူထုအတွက် အရေးပါသည့် တံတား ၂၅ စင်းကို ဖောက်ခွဲ ဖျက်ဆီးခြင်းများ ပြုလုပ်ကြောင်း ဖော်ပြထားသည်။ တပ်မတော်အနေဖြင့် မိမိနိုင်ငံ၏ အရေးကြီးသည့် လျှပ်စစ်စီမံကိန်းကို ကာကွယ်စောင့်ရှောက်လိုသည့် ရည်မှန်းချက် တခုတည်းဖြင့် ဆောင်ရွက်ခြင်းဖြစ်ပြီး ရန်လိုဖိနှိပ် တိုက်ခိုက်လိုခြင်းမရှိဟု ရေးသားထားသည်။ ကချင်ပြည်နယ်တွင် မြန်မာအစိုးရက တရုတ်ကုမ္ပဏီများနှင့် ပူးတွဲ၍ မြစ်ကြီးနားမြို့အနီးတွင် မြစ်ဆုံရေအားလျှပ်စစ် စီမံကိန်း၊ ရွှေလီရေအားလျှပ်စစ်စီမံကိန်း၊ တာပိန်ရေအားလျှပ်စစ် စီမံကိန်းများကို ၂၀၀၆ ခုနှစ်ခန့်က စတင် အကောင်အထည်ဖော်နေသည်။

__._,_.___

Reply to sender | Reply to group | Reply via web post | Start a New Topic

Messages in this topic (1)

Recent Activity:

• New Members 1

Visit Your Group

Switch to: Text-Only, Daily Digest • Unsubscribe • Terms of Use

.

ဖိုးခိုင်

Czech Republic

မီဇိုရမ်ပြည်နယ်သို့ မြန်မာနိုင်ငံသားများ ၀င်ထွက်သွားလာခွင့်တင်းကျပ်မည် June 16th, 2011 | Add a Comment | 686 views အိန္ဒိယ-မြန်မာနယ်စပ်မှတဆင့် မီဇိုရမ်ပြည်နယ်သို့ ၀င်ထွက်သွားလာနေကြ သည့်မြန်မာနိုင်ငံသားများအား နယ် စပ် မှ ၁၆ ကီလိုမီတာအတွင်းထိသာ သွားလာ ခွင့်ပြုရန် ဒေသတွင်းအစိုးရကို အိန္ဒိယဗဟိုအစိုးရက ထပ်မံ သတိ ပေးလိုက်သည်။ ယင်းကိစ္စကို အိန္ဒိယဗဟိုအစိုးရမှဒုတိယအကြိမ်မြောက်သတိပေးပြောဆို လိုက်ခြင်းဖြစ်ပြီး ပြီးခဲ့သည့်နှစ် ဇန်န ၀ါရီလကလည်း အိန္ဒိယပြည်ထဲရေးဝန်ကြီးဌါန က မြန်မာနိုင်ငံသားများ အဓိက ချင်းလူမျိုးများနှင့် မြန်မာနိုင်ငံ သား မီဇိုးလူမျိူးများအား စနစ်တကျ စစ်ဆေးခြင်းမရှိဘဲမီဇိုရမ်ပြည်နယ်သို့ ၀င်ရောက်လာသည့်အပေါ် စိုးရိမ် ကြောင်းသတိပေးပြောကြားခဲ့ပြီးဖြစ်သည်ဟုအိန္ဒိယသတင်းစာ The Telegraph တွင် ဖော်ပြထားသည်။ မြန်မာနိုင်ငံသားများ နှင့် အိန္ဒိယနိုင်ငံသားများသည် နယ်စပ်မှ ၁၆ကီလိုမီတာအတွင်းသာ ၀င်ထွက်သွား လာခွင့် ရှိကြောင်း သတ်မှတ်ထားသောနယ်မြေဧရိယာအတွင်းမှာသာ နှစ်နိုင်ငံထွက်ကုန်များအပြန်အလှန်တင်သွင်း ဖ လှယ် ခွင့်ရှိကြောင်း သတင်းစာ တွင်ရေးသားထားသည်။ အကယ်၍ မြန်မာနိုင်ငံသားများအနေဖြင့် သတ်မှတ်ထားသော ၁၆ကီလိုမီတာထက်ကျော်ပြီး သွားရောက်လိုပါက အိန္ဒိယ အစိုးရ ၏ခွင့်ပြုချက်ရရှိမှသာ သွားလာခွင့်ပြုရမည်ဟု အိန္ဒိယပြည်ထဲရေးဝန်ကြီးဌါနကသတိပေးပြော ကြား ထားသည်ဟု လည်း ဆက်လက်ဖော်ပြထားသည်။ ယင်းကိစ္စနဲ့ပတ်သက်ပြီး အရေးယူဆောင်ရွက်ရန် မီဇိုရမ် Superintendent of Police နှင့် CID ကို ဗဟိုအစိုး ရက တိုက်ရိုက်လုပ်ပိုင်ခွင့်ပေးထားကြောင်း၊ ထို့အပြင် အရှေ့ဖက်မှ ၀င်ရောက်လာသူများ၏မှတ်ပုံတင် (သို့မ ဟုတ်) တရားဝင်ခရီးသွားလာခွင့်လက်မှတ်ရှိမရှိကိုသေချာစစ်ဆေးရန် မီဇိုရမ်ပြည်နယ် နိုင်ငံခြားသားများ မှတ်ပုံ တင်ဌါနမှ တာဝန် ရှိသူများ အားသတိပေးလိုက်သည်ဟုသတင်းစာတွင်ဖော်ပြထားသည်။ မြန်မာနိုင်ငံသားများ အထူးသဖြင့် ချင်းလူမျိုးများသည် ပြည်တွင်းစားဝတ်နေရေးအခက်အခဲကြောင့် မီဇိုရမ်ပြည် နယ်တွင် ရရာ အလုပ်ကိုလုပ်ကိုင်ပြီး မိသားစု ၀မ်းစာအတွက် လုံးပမ်းနေကြသည်။ အကယ်၍ နယ်စပ်မှ ၁၆ ကီလိုမီတာအတွင်းထိသာ မြန်မာနိုင်ငံသားများအားဝင်ခွင့်ပေးတော့မည်ဖြစ်ပါက ဆင်းရဲသော မြန်မာနိုင်ငံသားအတွက် ပိုမိုအခက်တွေ့ကြုံလာနိုင်ကြောင်းအိုင်ဇောလ်မြို့မှ မြန်မာအမျိူးသားတဦကပြောသည်။ ''မြန်မာနိုင်ငံမှာက အလုပ်လက်မဲ့တွေပေါ်လာတယ်..ရှိတဲ့အလုပ်ကလည်း မဖူလုံတော့ ဒီဘက်(မီဇိုရမ်)ကိုထွက်လာကြတဲ့ သူတွေက ပိုပိုများလာတယ်၊ ဆိုတော့ နယ်စပ်ကနေ ၁၆ ကီလိုမီတာအတွင်းထိဘဲ သွားလာခွင့် ပေးတော့မယ်ဆိုတဲ့ဟာကို အမှန်တကယ် အကောင်အထည်ဖော်လိုက်မယ်ဆိုရင် ကျနော်တို့မြန်မာနိုင်ငံသားတွေကတော့ ဒုက္ခပိုကြုံရဦးမှာဘဲ''ဟု သူကပြောသည်။

__._,_.___

Reply to sender | Reply to group | Reply via web post | Start a New Topic

Messages in this topic (1)

Recent Activity:

• New Members 1

Visit Your Group

Switch to: Text-Only, Daily Digest • Unsubscribe • Terms of Use

.

ဖိုးခိုင်

Czech Republic