မြန်မာပြည်တွင် အခြေခံဥပဒေပြောင်းလဲရန် လွှတ်တော်ထဲသို့ ဒေါ်အောင်ဆန်းစုကြည် ၀င်ရောက်သွားချိန်သည် မလေးရှားနိုင်ငံတွင် အပြောင်းအလဲ ဖြစ်ဖို့ လူတွေ လမ်းပေါ်ကို ထွက်လာကြသည့် အချိန်နှင့် တိုက်ဆိုင်နေလေသည်။
ဘာဆစ် ဟူသည် သန့်ရှင်းမှု၊ စင်ကြယ်မှုနှင့် လွတ်မြောက်မှုကို ညွှန်းဆိုနေလေသည်။ မြန်မာပြည်၏ အနေအထားများနှင့် မလေးရှား၏ ဘာဆစ်ကို နှိုင်းယှဉ်ကြည့်ပြီး မိမိဥာဏ်ဖြင့် ဆင်ခြင်ကြည့်ကြရန် ဖြစ်သည်။
နိုင်ငံတိုင်းသည် ကိုယ်ပိုင်လမ်းစဉ်ဖြင့် လျှောက်လှမ်းကြရသည်သာ ဖြစ်သည်။ သို့သော် အိမ်နီးချင်းနိုင်ငံများ၏ အကြောင်းခြင်းရာများကို မျက်ခြည်မပြတ်စောင့်ကြည့်ပြီး မိမိ၏ အနေအထားကို သုံးသပ်ကြည့်ကြရန် ဖြစ်ပါသည်။
ဘာဆစ်ဟူသည်မှာ မလေးဘာသာဖြင့် သန့်ရှင်းခြင်းဟု အဓိပ္ပာယ်ရသည်။ ဘာဆစ်လှုပ်ရှားမှု ဟူသည်မှာ မလေးရှားနိုင်ငံတွင် သန့်ရှင်းပြီး တရားမျှတသော ရွေးကောက်ပွဲများ ဖြစ်ပေါ်လာရန်၊ မဲပေးပုံစနစ် ပြုပြင်ပြောင်းလဲရန်၊ အစိုးရမဟုတ်သော အဖွဲ့အစည်းများ စုပေါင်းကာ လမ်းပေါ်ထွက်ပြီး ဆန္ဒဖော်ထုတ်သော လှုပ်ရှားမှု ဖြစ်သည်။
ဘာဆစ်လှုပ်ရှားမှု အဖွဲ့ကို ၂၀၀၆ နိုဝင်ဘာ ၂၃ ရက်နေ့တွင် ဖွဲ့စည်းခဲ့ပြီး၊ နိုင်ငံရေးပါတီမှ ခေါင်းဆောင်များ၊ အရပ်ဘက်လူ့အဖွဲ့အစည်းများ၊ အစိုးရမဟုတ်သော အဖွဲ့အစည်းများ ပါဝင်ခဲ့သည်။
မလေးရှား နိုင်ငံတော်ဝန်ကြီးချုပ် လက်အောက်ရှိ ရွေးကောက်ပွဲကော်မရှင်သည် မဲပေးပုံစနစ်ကို ထိန်းချုပ်ချယ်လှယ်ထားပြီး လက်ရှိအုပ်ချုပ်နေသော အစိုးရအနိုင်ရရှိနေစေရန် မမျှတသော စနစ်ကို ထွင်ထားကြောင်း ဘာဆစ်လှုပ်ရှားမှုအဖွဲ့က စွပ်စွဲထားသည်။
၂၀၀၇ နိုဝင်ဘာ ၁၀ ရက်နေ့တွင် ဘာဆစ်အဖွဲ့မှ လူပေါင်း ၁ သောင်းမှ ၄ သောင်းအထိပါဝင်သော လူထုသဘောထားဖော်ထုတ်ပွဲကို ကွာလာလမ်ပူမြို့တွင် စီစဉ်ခဲ့ပြီး၊ တက်ရောက်လာသူများကို မတရားသော 'ဂွင်'ကို ဆန့်ကျင်ခြင်း အထိန်းအမှတ် အ၀ါရောင်ကို ၀တ်ဆင်ကြရန် တိုက်တွန်းခဲ့သည်။ ဤလှုပ်ရှားမှုသည် အကျိုးသက်ရောက်မှု တစ်စုံတစ်ရာ ရှိခဲ့သည်။
၂၀၀၈ ရွေးကောက်ပွဲတွင် လက်ရှိအုပ်ချုပ်နေသော အမျိုးသားတပ်ဦး (national front) သည် ပုံမှန်နိုင်နေကျ မဲသုံးပုံနှစ်ပုံကို အနိုင်မရရှိခဲ့တော့ပေ။ ၁၉၆၉ ခုမှသည် လွှတ်တော်တွင် အမြဲတမ်းသုံးပုံနှစ်ပုံ နိုင်ခဲ့သော အမျိုးသားတပ်ဦ ကို ဘာဆစ်လှုပ်ရှားမှုက အားနည်းစေခဲ့သည်။
ဧပြီ ၂၀၁၀ တွင် ဘာဆစ် ၂.၀ ကို စတင်သည်။ အခုလှုပ်ရှားရာတွင် နိုင်ငံရေးပါတီများ ပါဝင်လာခြင်း မရှိတော့ဘဲ အရပ်ဘက်လူ့အဖွဲ့အစည်းများသက်သက်ဖြင့် လှုပ်ရှားခဲ့သည်။ ၂၀၁၁ ဇွန်လတွင် မလေးရှားနိုင်ငံရှေ့နေများကောင်စီဥက္ကဌ ဒါတို အမ်ဘီကာ စကရိမ်ဝါဆံ သည် ဘာဆစ်လှုပ်ရှားမှု အဖွဲ့၏ ဥက္ကဌ ဖြစ်လာခဲ့သည်။
ဘာဆစ်၏ တောင်းဆိုချက်များကို ရွေးကောက်ပွဲ ကော်မရှင်က မလိုက်လျောခဲ့သဖြင့် ဘာဆစ် ၃.၀ ကို ယခုနှစ် ဧပြီလ ၂၈ ရက်နေ့က ကျင်းပခဲ့လေသည်။ ယခုလှုပ်ရှားမှုကို မလေးရှားနိုင်ငံရှိ အကြီးဆုံးသော အတိုက်အခံပါတီ သုံးခုက ကူညီခဲ့သည်။
ဘာဆစ်လှုပ်ရှားမှုကို နိုင်ငံတကာအထိ ရောက်အောင် ဖြန့်ကျက်နိုင်ခဲ့သည်။ နိုင်ငံပေါင်းစုံမှ မလေးရှား၏ ဘာဆစ်လှုပ်ရှားမှုကို ထောက်ခံသူများ အ၀ါရောင်ဝတ်ဆင်၍ လမ်းပေါ်ထွက်ချီထက်ကာ သဘောထားထုတ်ဖော်ခဲ့ကြသည်။
ဘာဆစ်၏ တောင်းဆိုချက်များမှာ ၁။ မဲဆန္ဒရှင် စာရင်းကို စိစစ်ရှင်းလင်းပေးရန် ၂။ စာတိုက်ကတစ်ဆင့် မဲပေးနည်းကို ပြုပြင်ပေးရန် ၃။ မဲဆန္ဒရှင်များအတွက် မှင်အမှတ်အသား အသုံးပြုရန် ၄။ ရွေးကောက်ပွဲ မဲဆွယ်မှုကို ၂၁ ရက်အထိ အနည်းဆုံးသတ်မှတ်ပေးရန် ၅။ မီဒီယာလွတ်လပ်ခွင့်ပေးရန် ၆။ ပြည်သူပိုင်အဖွဲ့အစည်းများကို အားဖြည့်ပေးရန် ၇။ ခြစားမှုတိုက်ဖျက်ပေးရန် ၈။ညစ်ပတ်သော နိုင်ငံရေးကို ဖယ်ရှားပေးရန်တို့ ဖြစ်သည်။
ဘာဆစ်တောင်းဆိုချက်များမှ အချက် ၅ ဖြစ်သော မီဒီယာလွတ်လပ်ခွင့် အတွက် လမ်းမများပေါ်ထွက်ပြီး သဘောထားဖော်ထုတ် ရင်ဆိုင်နေချိန်တွင် လူထု၏ အနေအထားကို မီဒီယာများမှ ထုတ်လွှင့်ပြသနိုင်ခွင့် အတွက် ရုန်းကန်ခဲ့ရသည်။ မလေးရှားနိုင်ငံ အစိုးရသည် သတင်းစာများ၊ ရုပ်မြင်သံကြားဌာနများကို ထိန်းချူပ်ထားသည်။ သတင်းသမားများမှာ လွတ်လပ်စွာ ထုတ်ဖော်ခွင့်မရပဲ ထိန်းချုပ်ခံနေရသည်။
မလေးရှားနိုင်ငံ၏ မီဒီယာလောက သည် လွတ်လပ်မှု မရှိကြောင်း နိုင်ငံတကာစံနှုန်းများက ဖော်ပြနေသည်။ ယခုလှုပ်ရှားမှုကြောင့်ပို၍ပင် တင်းကျပ်လာသည်။ မြန်မာပြည်တွင် မီဒီယာများ လွတ်လပ်ခွင့်ရလာသည်နှင့် ပြောင်းပြန် ဖြစ်နေပြန်သည်။
မလေးရှားနိုင်ငံအစိုးရသည် မီဒီယာ ကို ထိန်းချုပ်လာသည်မှာ ကြာမြင့်ခဲ့ပြီ ဖြစ်သည်။ သို့သော် ယခု ဘာဆစ် ၃.၀ လုပ်ရှားမှုတွင် ဂျာနယ်လစ်များကို တိုက်ခိုက်ပြီး ကင်မရာ သိမ်းယူခြင်းများ ပြုလုပ်ခဲ့သည်။ အစိုးရက ဤသည်မှာ လုပ်ရိုးလုပ်စဉ်သာ ဖြစ်ကြောင်း ပြောသည်။
မြန်မာပြည်ကို ပြန်ကြည့်ပါမည်။
လွန်ခဲ့သော ၅ နှစ်ကာလ မြန်မာပြည်တွင် ရွှေဝါရောင်တော်လှန်ရေးပေါ်ပေါက်ခဲ့သည်။ မရှေးမနှောင်း ထိုင်းနိုင်ငံတွင်လည်း အ၀ါနှင့် အနီ ရန်ဖြစ်ကြသေးသည်။ အ၀ါသည် ထိုင်းနိုင်ငံတွင် တော်ဝင်သဘောဆောင်၍၊ မလေးတွင် ပြောင်းလဲမှု သဘောကို ဆောင်သည် ထင်သည်။ မြန်မာပြည်တွင် ရွှေတစ်လုံးထပ်တိုးကာ ပိုတောင် လေးနက်သွားသည်ထင်ရသည်။
ရွှေဝါရောင်တောင်လှန်ရေးကို ဖိနှိပ်မှုကြောင့် မြန်မာပြည်သားတွေ ၀မ်းနည်း စိတ်ပျက်အားလျှော့မှုများ ကြုံခဲ့သည်။ အစိုးရအပေါ်အားမလိုအားမရ ဖြစ်ခဲ့ရသည်။ ၂၀၁၀ ရွေးကောက်ပွဲပြီး မြန်မာပြည်၏ အပြောင်းအလဲများ စတင်မိတ်ဆက်ချိန်တွင် မြန်မာပြည်သားများမှာ အံ့အားသင့်စွာဖြင့် ပျော်ရွှင်ကြည်နူးခဲ့ရသည်။ အခုအခါ မြန်မာနိုင်ငံသားများကြားတွင် မကြုံဖူးသော အားတက်မှုများ ရှင်သန်လျက် ရှိနေသည်။ အသိကိန်းများ ရှိနေသေးသော်လည်း မျှော်လင့်ချက် ရောင်ခြည်များ ထွန်းလင်းလျက်ရှိသည်။
ဤကဲ့သို့သော အခြေအနေမျိုးတွင် အိမ်နီးနားချင်း နိုင်ငံများ၏ အခြေအနေများကို စူးစမ်းလေ့လာကြည့်ရသည်မှာ စိတ်ဝင်စားစရာ ကောင်းလှသည်။ သီရိလင်္ကာလို မြန်မာတွေနှင့် မစိမ်းလှသော နိုင်ငံမျိုးတွင် မြန်မာနိုင်ငံရေးကို စိတ်ပါဝင်စားစွာ စောင့်ကြည့်နေကြသူတွေ ရှိသည်။ အိမ်နီးချင်းနိုင်ငံဖြစ်သော ထိုင်း၊ အင်ဒိုနီးရှား၊ မလေးရှားတွင်လည်း မြန်မာပြည်အကြောင်းကို ပြောနေကြသည်။ အမှန်မှာ မြန်မာပြည်၏ အပြောင်းအလဲများကို တကမ္ဘာလုံးက စိတ်ဝင်စားနေကြသည်သာ ဖြစ်သည်။
မြန်မာပြည်တွင် အပြောင်းအလဲလုပ်စရာများ အများအပြားကျန်နေသေးသည်သာဖြစ်သည်။ သို့သော် အကောင်းဖက်မှ ကြည့်ပေးနေရသည်။ အတိတ်က ခါးသီးမှု ရေဆုံးရေခန်းရောက်ခဲ့သည် မဟုတ်ပါလား။
မြန်မာပြည်၏ အပြောင်းအလဲများထဲမှ စိတ်ဝင်စားစရာ အကောင်းဆုံးမှာ မီဒီယာ လွတ်လပ်လာမှု ဖြစ်ပါသည်။ အစိုးရကို ဆန့်ကျင်သော ပြည်ပမီဒီယာများ ပြည်ထဲပြန်ဝင်ခွင့်ရခြင်း၊ လွတ်လပ်စွာ သတင်းထုတ်ပြန်ခွင့် ရလာခြင်းများကို ကြုံတွေ့လာရသည်။
အခြားတစ်ဖက်တွင် အိမ်နီးချင်းနိုင်ငံဖြစ်သော မလေးရှားနိုင်ငံတွင် ဘာဆစ် ၃.၀ ကို ကွာလာလမ်ပူမြို့ လမ်းမများပေါ်တွင် ချီတက်ပြကြရာ၊ မီဒီယာသမားတို့ အလူးအလဲ ခံကြရသည်။
ဘဆစ်ဟူသည် လွတ်လပ်မှုကိုလည်း ညွန်းသည်။ သန့်ရှင်းမှုကိုလည်း ကိုယ်စားပြုသည်။ လွတ်လပ်မှု၊ ညီမျှမှုနှင့် သန့်ရှင်းမှုအတွက် တစ်ချို့ပုဂ္ဂိုလ်များသည် အပြင်သို့ထွက်ကြပြီး၊ တစ်ချို့ကား အတွင်းသို့ ၀င်ကြလေသည်။ လုပ်နည်းလုပ်ဟန်သာ ကွာခြားပြီး ယုံကြည်ချက်မှာ အတူတူသာ ဖြစ်သည်။
မောင်စိုင်းစား
Written by မောင်စိုင်းစား
Rangoon Time
