လေဆာဖြင့် မိုးကို ထိန်းချုပ်နိုင်မည်ဟု သိပ္ပံပညာရှင်များ ပြောကြား

မိုးခေါင်ရေရှားဒေသများ အတွက် အစိုဓာတ် ရရှိစေရန်လေဆာဖြင့် မိုးရွာ စေနိုင်ကြောင်း သိပ္ပံ ပညာရှင်များက   ပြောကြား လိုက်သည်ဟု Foxnews သတင်းမှ ဖော်ပြခဲ့သည်။ သိပ္ပံ ပညာရှင်များသည် မိုးကို ထိန်းချုပ်နိုင်မည့် နည်းလမ်း မျိုးစုံကို ကာလကြာမြင့်စွာ စမ်းသပ်လာခဲ့ပြီးမှ လေထုထဲတွင် ဓာတုပစ္စည်းများ ပျံ့နှံ့စေပြီး လေထုကို အပြောင်းအလဲ ဖြစ်စေမည့် နည်းကို အလားအလာ ရှိသည်ဟု ယူဆခဲ့သည်။

သို့သော် ထိုကဲ့သို့ပြုလုပ်ခြင်းသည် လေထုကို အမှန်တကယ်တွင် မည်မျှ သက်ရောက်မှု ရှိစေမည်ဟု ဆုံးဖြတ်ရန် ခက်ခဲကြောင်း ဂျီနီဗာ တက္ကသိုလ်က Jerome Kasparian ကပြောကြားခဲ့သည်။ ယခုအခါ ၄င်းနှင့် လုပ်ဖော်ကိုင်ဖက် ပညာရှင်များက လေထု၏ အစိုဓာတ်ကို လေဆာ ရောင်ခြည်များဖြင့် ထိန်းချုပ်နိုင်ပြီဟု ထုတ်ဖော်ပြောဆိုလိုက်ခြင်းဖြစ်သည်။

၎င်းတို့ အဖွဲ့သည့် ဂျီနီဗာရှိ Rhone မြစ်ပေါ်တွင် အမျိုးမျိုး သောအပူ ချိန်များ၌ လေထု အခြေအနေနှင့် စိုထိုင်းဆ အဆင့်များကို လေ့လာ စမ်းသပ်ခဲ့ ကြရာ မိုးရွာသည်ဟု ဆိုရလောက်အောင် ရေစက်ရေပေါက်များ လုံလောက် စွာ မရွာကျခဲ့သော်လည်း စိုထိုင်းဆ ၇၀ ရာခိုင်နှုန်းမှာတင်ပင် Micron အရွယ်အစားရှိ ရေစက်များ ကျလာခဲ့ကြောင်း သိရှိရသည်။

သို့သော် သဘာဝအားဖြင့် ထိုမျှ အခြေအနေတွင် မိုးရွာရန် မဖြစ်နိုင် ကြောင်း၊ ရာနှုန်းပြည့်စိုထိုင်းဆ ရှိရန်လိုကြောင်း LiveScience သို့ Kasparian က ပြောကြားခဲ့သည်။ မိုးကို မိမိတို့ထိန်းချုပ်လိုသည့်နေရာနှင့် ရွာစေလိုသည့် အချိန်ကိုက် ရွာပေးနိုင်သော ၄င်းတို့၏လေဆာနည်းပညာ သည် လက်ရှိ ရာသီဥတုကို ပြုပြင်နေသည့် အခြားနည်းလမ်းများနှင့် ယှဉ် ကြည့်ပါက မည်မျှထိရောက်မှု ရှိသည်ကို သိနိုင်ကြောင်း ၄င်းကပင် ပြောကြား ခဲ့သည်။ လက်ရှိ စမ်းသပ်အောင် မြင်မှုထက် ၁၀ ဆမှသည် အဆ ၁၀ဝ ခန့် မိုးစက်များ ကျနိုင်ပါမှ တကယ် မိုးရွာသည်နှင့် တူမည်ဖြစ်သည်။

၎င်းတို့ အသုံးပြုနေသော လေဆာသည် အခြား လေဆာများနှင့် မတူဘဲ ကီလိုမီတာပေါင်းများစွာဝေးသည့်နေရာထိပင်ရောက် ရှိနိုင်မည့် လေဆာ အမျိုးအစားဖြစ်ပြီး မြေပေါ် အခြေစိုက်နေရာမှပင် လေထုကို ပြုပြင်နိုင်မည်ဟု သိရသည်။