လူဦးနှောက် နှင့် ပုံတူ ကွန်ပျူတာကို ထုတ်လုပ်နိုင်တော့မည်

New Business Journal

လူဦးနှောက်၏ ဇီဝကမ္ပ ဖြစ်စဉ်များကို ပုံတူကူးချကာ တစ်ပိုင်း လျှပ်ကူး အခြေပြောင်း ပစ္စည်းများ သုံးစွဲ ဖန်တီးထားသော ကွန်ပျူတာ များကို မကြာမီ ထုတ်လုပ် နိုင်တော့မည် ဖြစ်ကြောင်း အက်စ်တာ တက္ကသိုလ်မှ သုတေသီများက ထုတ်ဖော် ပြောကြားလိုက်သည်။ အခြေပြောင်းပစ္စည်း PCM များ၏ ပေါင်း၊ နုတ်၊ မြှောက်၊ စား၊ ဂျီဩမေတြီ တွက်ချက်မှုနှင့် အချက်အလက် သိုမှီးနိုင်မှု စွမ်းရည်များက ဦးနှောက် ကလပ်စည်း နာ့ဗ်ကြောအတုများ ဖန်တီးနိုင်ရန် နီးစပ် လာစေခဲ့ပြီဖြစ်ရာ လူဦးနှောက်နှင့် ပုံစံတူ ကွန်ပျူတာများကို မကြာမီ ထုတ်လုပ်နိုင်မည်ဟု ၄င်း သုတေသီများက ယုံကြည်ကြသည်။ ထို့အပြင် PCM များကို သတ်မှတ် အပူချိန်တွင် အရည်ပျော်စေပြီး ပြန်လည် အေးခဲစေသည့် အခါတွင် အမြောက်အမြားကို ထုတ်လွှင့်နိုင်ခြင်းကြောင့် အခြေခံပြောင်း နာ့ဗ်ကြောမျှင် တစ်ခုချင်းစီကို အလွယ်တကူ ပုံသွင်း ဖန်တီးနိုင်မည်ဟု သိရသည်။ သို့သော် ၄င်း ကွန်ပျူတာများ၏ စွမ်းဆောင်ရည်သည် အခြေပြောင်း နာ့ဗ်ဆဲလ်များ၏ အခြေခံ လုပ်ဆောင်ချက်များကို မှတ်သား နာယူနိုင်စွမ်းနှင့် အရာဝတ္ထု၊ ပုံပန်း သဏ္ဍာန်များကို ခွဲခြားစိတ်ဖြာ နိုင်မှုတို့တွင် များစွာ မူတည်လျက်ရှိရာ အမြင်အာရုံသုံး Memtelector ပစ္စည်းများကို ဖြည့်စွက် သုံးစွဲသင့်ကြောင်း အီလီနွိုက်စ် တက္ကသိုလ် မှ လျှပ်စစ်နှင့် ကွန်ပျူတာဌာနမှ ဒု-ပါမောက္ခ အဲရစ်ပေါ့ပ်မှ အကြံပြု ပြောကြားခဲ့သည်။ "PMC နဲ့ ဖန်တီးထားတဲ့ နာ့ဗ်ကြောမျှင် အတုတွေရဲ့ လူဦးနှောက်လို သင်ကြားနိုင်စွမ်း၊ ခွဲခြား စိတ်ဖြာနိုင်စွမ်းနဲ့ အချိန်နှင့် တစ်ပြေးညီ ပြောင်းလဲ ပုံဖော်နိုင်စွမ်းတွေက နှစ်ပေါင်းများစွာ အိပ်မက်ခဲ့ရတဲ့ အနာဂတ် ကွန်ပျူတာတွေရဲ့ အစပါပဲ" ဟု အက်စ် တက္ကသိုလ်မှ ပါမောက္ခ ဒေးဗစ်ရိုက်မှ ထုတ်ဖော် ပြောကြားခဲ့သည်။