အာဆင်နယ် အသင်းသည် ဂျာမနီ လူငယ် ကြယ်ပွင့် ကစားသမား ဂေါ့ဇီ အတွက် ကလပ် စံချိန်တင် ပြောင်းရွှေ့ကြေး ဖြစ်သော ပေါင်သန်း (၃၀) ခန့် သုံးစွဲရန် ရှိနေသည်။ dailymail မှ ဖော်ပြချက် အရ အာဆင်နယ် အသင်းသည် အင်္ဂါနေ့ညတွင် ကစားရမည့် ချန်ပီယံလိဂ် ပွဲစဉ်အပြီးတွင် ဂေါ့ဇီအား ကမ်းလှမ်းရန် ရှိနေကြောင်း သိရသည်။
အာဆင်နယ် အသင်းသည် ပြီးခဲ့သော ဘွန်ဒက်စ်လီဂါ ပွဲစဉ်တစ်ခု ဖြစ်သည့် ဘိုင်ယန်နှင့် ဒေါ့မွန်တို့ ကစားခဲ့သည့် ပွဲစဉ်မှ ဂေါ့ဇီ၏ ခြေစွမ်းကို စောင့်ကြည့်ရန် အတွက် ကင်းထောက် နှစ်ဦးကို စေလွှတ်ခဲ့ပြီး အဆိုပါ ပွဲစဉ်တွင် ဂေါ့ဇီမှာ အသင်းအတွက် အနိုင်ဂိုး တစ်ဂိုးအား သွင်းယူပေးခဲ့သည်။ အသင်း၏ အမှုဆောင်ချုပ် ဂါဇီဒစ်သည် ယခုအပတ် အတွင်း ဂေါ့ဇီအတွက် ဒေါ့မွန် အသင်းနှင့် တရားဝင် ဆွေးနွေးရန် ရှိနေသည်။
သို့သော်လည်း အာဆင်နယ်မှာ ဂေါ့ဇီအတွက် အနည်းဆုံး ပေါင်သန်း (၃၀) ခန့်သုံးစွဲရရန် ရှိနေပြီး အဆိုပါ ပမာဏမှာ အသင်း၏ လက်ရှိ စံချိန်တင် ပြောင်းရွှေ့ကြေးရှင် ဖြစ်သည့် အာရှာဗင်၏ ပြောင်းရွှေ့ကြေး၏ နှစ်ဆဖြစ်နေသည်။ ဂေါ့ဇီမှာ ၀င်းဂါး၏ အလိုချင်ဆုံး ကစားသမား ဖြစ်နေပြီး ဖာဘရီဂတ်စ်၊နာဆရီတို့ ထွက်ခွာသွားသောကြောင့် အားနည်း နေသည့် ကွင်းလယ် နေရာတွင် အစားထိုးရန် အတွက် ခေါ်ယူလိုနေခြင်းဖြစ်ကာ သူ၏ လက်ထဲတွင်လည်း ပြောင်းရွှေ့ ကြေး အသုံးစရိတ် ပေါင်သန်း (၅၀) ရှိနေသောကြောင့် ခေါ်ယူမည် ဆိုပါက ဖြစ်နိုင်ချေရှိနေသည်။
Rangoon Time
0 comments:
Post a Comment
ရေးချင်တာလေးတွေရေးရအောင်