ကုလားအုတ်နို့

အာဟာရဓာတ်ကြွယ်ဝတဲ့ ကုလားအုတ်နို့ဒိန်ချဉ်၊ ရေခဲမုန့်နှင့် အခြားစားဖွယ်များ စားဖို့ပြင်
(အေအက်ဖ်ပီ)
အောင်သာလင်း ဘာသာပြန်သည်။
အတွဲ ၂၇ ၊ အမှတ် ၅၂၅ ( ၈ - ၁၄ ၊ ၇ ၊ ၂၀၁၁)
ဘောရစ်ဘာချော့ဇ် စုတ်ပြတ်စွာ ၀တ်ဆင်လျက် ယခုလို ဝေးသီခေါင်ဖျား ဒေသတွင် နံနက် နေထွက်ချိန်၊ ကုလားအုတ် နို့ညှစ်ရသော လူငယ်တစ်ယောက်အဖို့ သူ့ အလုပ်မှာ အသစ်အဆန်းမဟုတ် တော့။ သူတို့လူမျိုးစု မျိုးဆက်ပေါင်း များစွာတို့ ကုလားအုတ်နို့ကိုပင် တန်ဖိုး ထားကာ နေ့စဉ် မပျက်မကွက် ညှစ်ယူ သောက်သုံးလာခဲ့ကြသည်။
ကင်ညာနိုင်ငံအလယ်ပိုင်းမှကူရှိုက်တိုင်းရင်းသားလူမျိုးများ ကာလကြာမြင့်စွာနှစ်ခြိုက်လာခဲ့ကြသော ကုလားအုတ်နို့ကိုယနေ့ ကင်ညာ မြို့တော် နိုင်ရိုဘီမြို့ နေ လူထုအတွင်း၌ သောက်သုံးလာကြ ပြီဖြစ်ရာ မကြာမီမှာပင် ကုလားအုတ်နို့ သည် နိုင်ငံတကာ ကျန်းမာရေး အတွက် တမက်တမော သောက်သုံးလာကြဖွယ် ရှိနေသည်။
နွားသည် မိုးခေါင်ရေရှားမှု ဒဏ်ကို မခံနိုင်ကြ၍ ရေရှားပါးမှုကို ကြံ့ကြံ့ခံနိုင်သော ကုလားအုတ်ကို မွေးမြူ ရသည်က ပို၍တွက်ခြေ ကိုက်သော ကြောင့် "ခြောက်သွေ့တဲ့ရာသီတွေမှာ တောင် ကျွန်မက အကျိုးအမြတ်တွေရ နိုင်တာရှင့်"ဟု ကိုယ်ပိုင်ကုလားအုတ် ၈၄ ကောင်ဖြင့် သူဌေးကလေးဖြစ်နေသော အသက် ၄၅ နှစ်အရွယ် ဟာလီမာဟူစိန်က ဆိုသည်။ နိုင်ရိုဘီမြို့မြောက်ဘက် ၁၇၅ မိုင်ခန့်ရှိ အိုင်စီယိုလိုမြို့မှဟာလီမာဟူစိန်နှင့် အမျိုးသမီး ၆၃ ဦးတို့ကသူတို့ဒေသရှိ သမ၀ါယမအသင်းမှတစ်ဆင့် နေ့စဉ်ကုလားအုတ်နို့လီတာ ၃,၀၀၀ မှ ၅,၀၀၀ အထိ နိုင်ရိုဘီမြို့ဝန်းကျင် ဈေးကွက်များ သို့ တင်ပို့ရောင်းချလာကြရသည်။
တစ်ချိန်က သောက်သုံးလေ့မရှိ၊ လျစ်လျူရှုခဲ့ကြသော ကုလားအုတ်နို့မှာ ယခုအခါ နိုင်ငံတကာက အကြိုက်ကြီး ကြိုက်လာကြတော့ မည့် ကျန်းမာရေး အတွက် အလွန်တန်ဖိုးကြီးပြီး အရည် အသွေးမြင့်သည့် ရိက္ခာတစ်ခုအဖြစ်သို့ မကြာမီရောက်လာတော့မည်ဟု လည်း ဟောကိန်းထုတ်ကြသည်။ "အခုတောင်မှ ဖွံ့ဖြိုးတိုးတက်ဆဲနိုင်ငံ တွေမှာ ကုလားအုတ်နို့ကို အသုံးများနေ ကြပါပြီ"ဟု Vital Camel Milk ဟူသော အမည်ဖြင့် ကုလားအုတ်နို့ဖြင့် ဒိန်ချဉ်၊ ရေခဲမုန့်နှင့် အခြား ကုလားအုတ်နို့ထွက် ပစ္စည်းများကို စတင်ထုတ်လုပ် ရောင်းချ နေသော ဂျာမန်နိုင်ငံသား ဟိုလ်ဂျာမာ ဘတ်က ပြောသည်။
Vital Camel Milk မှ ထုတ်လုပ်သော နို့ထွက်ပစ္စည်းများကို ကင်ညာ၊ လက်တင်အမေရိက၊တောင်အာဖရိကနှင့် အာရပ်စော်ဘွားနိုင်ငံ များရှိကုန်ပဒေသာတိုက်ကြီးများသို့ တင်ပို့ရောင်း ချလျက်ရှိရာ အခြေအနေပေးပါက ဈေးကွက်များ ဆက်လက်တိုးချဲ့သွားဦး မည်ဟု မာဘတ်ကဆိုသည်။
ကုလားအုတ်နို့ရည်တွင် ကျန်းမာရေး အတွက် အရေးပါသော အာဟာရဓာတ် များပါဝင်သည်ဟုလည်း ကျွမ်းကျင်သူများကထောက်ခံ ချက် ပေးထားသည်။ ရင်းနှီးမြှုပ်နှံမှုတိုးချဲ့ပြီး ယခုထက်ပို ကောင်းအောင် ထုပ်ပိုးတင်ပို့ပါက ကုလားအုတ်နို့လုပ်ငန်းတစ်ခုတည်းဖြင့် ကမ္ဘာ့ဈေးကွက်မှ နှစ်စဉ် ၀င်ငွေဒေါ်လာ ၁၀ ဘီလျံအထိ ရရှိလာနိုင်သည်ဟုလည်း FAO က ခန့်မှန်းသည်။